Yasaqya 60:22 - NABUWWA KEE MALIKWA

²² Siinik qunxa mari naba mara akkele; siinik gaca mari qande le mara akkele. Anu YALLA kinniyooh; edde akkeh meqe waktit, taham inkih xayuk absiiseyyo» 'yaanam iyyah yan.

Yasaqya 60:22 ပူးပေါင်းရင်းမြစ်များ

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Yasaqya 5:19

Isin, «Yalli abeyyo iyyem sissikuk abam kaak nabalu wayna!» intan. «A Israayil doore Dageltay *kudduusuk yani abam faxam duudusam keh, kaak waginnu wayna» intaana'mmay, woyyow, siinit takku waytaama!

Yasaqya 51:2

Sin kaxxa abba Abraahim kee Saaray akak raddeenihiyya baguh kassa haa. Abraahimih seece saaku maxalaytuh yen. Takkay immay yi barkatah xaylo xale; kaak rade mara eymeggeh.

Daaniyel 2:35

Woo waqdi woo birta kee kallaay, nacaasaay lakqo kee dahab inkih, inki-adda caffa tekkeeh, caacay woo caffak raat cabe'kal inkih beeh. Takkay immay woo kaxxa xaa, baaxo inkih dudda qale yekke.

Daaniyel 2:44

«Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.