Yasaqya 60:19 - NABUWWA KEE MALIKWA

¹⁹ Ahaysa laqo ayroh ifut faxxu waytam mantu; bari kaadu alsah ifut faxu waam mali. Yoo YALLI way-baruge-sinni-ifu koh akkele; nabna ku Dageltak geetto.

Yasaqya 60:19 ပူးပေါင်းရင်းမြစ်များ

Yasaqya 2:5

Tonnal hay! Yaqkuubuk rade maraw, YALLI neh yecee ifut genxa'gidih ama.

Yasaqya 24:23

Sarra, YALLAY Nabaamak Nabahiyya reedele. Tohuk gexxaamah alsa kee ayrô-diifi amballayuk maraaqa. Too saaku YALLAY Nabaamak Nabahiyya Yarusalaam magaalal Siyon-qalel reedele. Yarusalaamal sugtu wayta makaabon too saaku kay nabna ablelon.

Yasaqya 28:5

Too ayro, YALLAY Nabaamak Nabahiyya kay maray baatik saaboh raaqeh qaxa kee bilqaay nabna akkele.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 45:25

Yoo YALLI, Israayil ummat wadu waa Dagelta kinniyo. Tohuk gexxaamah too mari yoo faylisele» 'yaanam iyye.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 60:1

Yarusalaamey, ifi kol ifseemih sabbatah ugutey ayroh innah ifey; YALLIH nabna kol ifta.

Yasaqya 9:2

Ditet tan ummat kaxxa ifu ablele. Duma silal elle radak suge rasul yan maral away ifi gacele.

Zakariyya 2:5

YALLI isih, girak bicsen gasoh innah, tet dacriseleemih xagana culeeh, isi nabna luk tet addal anele› » iyye.

Zakariyya 2:9

Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.