Yasaqya 60:18 - NABUWWA KEE MALIKWA

¹⁸ Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 60:18 ပူးပေါင်းရင်းမြစ်များ

2 Samuwel 7:10

Israayil ummattay inni mara abehiyya, sinam keenit xukkute'kal, elle gacoonu waan aracal ken nookiseh an. A baaxo culeenim kee akke fan umeynit qeebi keenit abak sugte'mmay, ahak wadir woh gaba kalele. Koo kaadu naqboytiitik amaanah raaqiseyyooh, buxa innih koh xiseyyooh, ramad kok aymaggeyyo. Tohuh qahdi koh cula.

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 2:4

Mango doolatwah fanat bica abeleeh; baaxooxal yan tittin-way bicsele. Qeebi edde abak sugen seefwa buqre edde aban biriitah korselon. Qeebi edde abak sugen macaxu caxak luud edde yargiqen gileelah gacselon. Tahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Yasaqya 26:1

Too saaku Yuudâ-rasul qadar abelon. Qadarah iyyoonu waanamaa, «Ni magaala qandeey maqar le; Yalli isih maro teetit heeh yan; tet wada'gidih maro edde hee; is Yallih dacayri geyteh tan.

Yasaqya 26:2

Numma le mari cula'gidih tet gasoh afa faka, ummatey. Imaan le mari akak cula'gid tet gasoh afa faka, ummatey. Kibaal Yallal digga le mari cula'gid gasoh afa faka.

Yasaqya 51:19

Kaxxa bala siinil obte. Baaxo siinik carbit baate; ummatta siinik qulul kee carbit tembexe. Takkay immay siinil yamaateeh taqdiyya siinih gacsa mari mayan.

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 60:11

Mango baaxoh malikwa kee ken-doolatwah-duyyek-tedderem koo fan akah baahan innah, ku gasoh afoofi bar kee laqoh fakimit gacele.

Yasaqya 60:17

«Nacaas aftok, dahab koh baaheyyo; biriita kee bocoh aftok, lakqo kee nacaas koh baaheyyo. Xeet aftok, biriita koh baaheyyo. Ku addal xintoh abbobtih yan mari ahak wadir kot maxukkuta. Qadaalat kee amaanah koo xiinisa mara ken abeyyo.

Yasaqya 61:11

Baaxo elle anxaxxoyse'nnal, bustaan qiden dariyyi elle yaysubuke'nnal, YALLAY Mulki-lehiyya ummattah inkih cakkik-tan-maqaane bahsiiseleh; baadal tan ummatta inkih kaa faylisele.

Yasaqya 62:10

Magaalah afoofik eweqa; magaala fan yaduure marah gita bicisa. Gita nagay bicisaay xeet akak kala. Asta-yakku-waa-qalam baadal-tan-ummattah haysita.

Yasaqya 62:4

Ahak wadir maaqilen magaala kok m'iyyan; ku rasuk abuuruh raaqe rasu 'yaanam m'iyyan. Ku migaq «Yalli ruffu akak iyya magaala» deqsitele; ku rasih migaq «Meqe rihimih rihimte barra» deqsitele. Macaay intek, YALLI isih baqli bis koh aallele.

Yacedkel 42:20

Tonnal affara kaalibik yakkeh gide yoo yuybulle. Dariifat gaso akak ten. Too gasoosa baguh namma bool kee kontom mitri akkuk teneeh, xexxaarah kaadu namma bool kee kontom mitri akkuk ten. Too gasoosa, taahirih tan arooca kee ane sinni aroocak fanal ten.

Miika 4:3

YALLI baaxooxal yan tittin way bicsele. Kaxxa doolatway qande leh fanat bica abele. Qeebi edde abak sugen seefwa buqre edde aban biriitah gacselon. Qeebi edde abak sugen macaxu caxak luud edde yargiqen gileelah gacselon. Ahak wadir doolatwa gaaduh tittah magexxa; ahaysa qeebi tittat aboonuh masilaacsitan.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.

Zakariyya 2:5

YALLI isih, girak bicsen gasoh innah, tet dacriseleemih xagana culeeh, isi nabna luk tet addal anele› » iyye.

Zakariyya 2:9

Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.

Zakariyya 9:8

Inni baaxo innih dacriseyyooh; qaskar mattaaqatta akki tet mahaa. Ahaysa inni mara racmatta sinni abbobtih gabat biyaaki mahaa. Yi mari biyaakak abeh gide ubleh an» 'yaanam iyye.