Yasaqya 60:11 - NABUWWA KEE MALIKWA

¹¹ Mango baaxoh malikwa kee ken-doolatwah-duyyek-tedderem koo fan akah baahan innah, ku gasoh afoofi bar kee laqoh fakimit gacele.

Yasaqya 60:11 ပူးပေါင်းရင်းမြစ်များ

Nacmiya 13:19

Sarrak, «Sabti orobba 'yaamaay eweqqa 'yam fan magaalak afa alifa» 'yaanamih amri ecee. Sabti ayro magaalah adda faxe duyyeey takkay, cultam kee cule waytam cubbusu waa inni mara magaalah afal wagittoh hee.

Yasaqya 24:21

Too ayro YALLI qaraanal taniimiy cayla lehiyya qaraanal digaalele. Baaxô-bagul tan amoytitte kaadu digaalele.

Yasaqya 26:2

Numma le mari cula'gidih tet gasoh afa faka, ummatey. Imaan le mari akak cula'gid tet gasoh afa faka, ummatey. Kibaal Yallal digga le mari cula'gid gasoh afa faka.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 60:5

Aham akkih ablettooh, ruffu axcetto. Abtu wayta ruftoh xagar kok farci akkele. Baadal tan ummatta tedderem inkih koo fanah baahele; badak woo qaxa raaqa mari isi gadda koo fan baahele.

Yasaqya 61:6

YALLIH seeka siinih axceloonuh; ni-Dageltih-taamat gace mara siinih axcelon. Doolatwa tedderem sinim akkeleeh; wohul kaxxiinitetton.

Yasaqya 62:10

Magaalah afoofik eweqa; magaala fan yaduure marah gita bicisa. Gita nagay bicisaay xeet akak kala. Asta-yakku-waa-qalam baadal-tan-ummattah haysita.