Yasaqya 6:3 - NABUWWA KEE MALIKWA

³ Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

Yasaqya 6:3 ပူးပေါင်းရင်းမြစ်များ

Qedra 3:11

YALLA faylisaah candu kaah gacisa mara kee, yakkuqe mara yekken. Faylah iyyeenimih, YALLI maqaane le Goyta; kay kacani mayambaxa. YALLI Israayilih le kacni daayiman yan; mayambaxa» iyyen. Too saaku YALLIH Qibaadah-Qarih-xisneh-rakiibo heenih yeneeniih; tohih sabbatah YALLA faylisen. Ken ankacisak yen mari kaadu anay fayya haak qililise.

Yasaqya 24:16

Baaxô-maggaraqak saareh-anay nel rada. «Qadaalat kee cakki le Dageltah fayla takkay» inta xongolo nel radah oobbe. Sarrak ganoleelay sinam gantahiyya uble. Too waqdi, «Woyyow yi nabsow, woyyow yi nabsow, unsumuumeh maana! Ganoleela uxih sinam gantah matanaa!» 'yaanam exce.

Yasaqya 40:5

YALLI le nabna kee migaq, ambulleeleeh, qaddoowele; ummat inkih tet ablele. Taham YALLI isih iyyeemi; dumaak xagna akah culeemi» 'yaanam inte ta xongolo.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Yacedkel 43:2

Tokkeek Israayil doore Dageltih nabna yaybulle ifuy diifu le uble. Yallih anay baddi haffoh innah xongoleeh, Yallih ifuy diifu lehiyya baaxo inkih duude.

Yacedkel 44:4

Sarrak woo num kilbat le kabut raqta afaak beyya yoo heeh, Qibaadâ-Qarih fooca fanah yoo baahe. Wagga hee waqdi, YALLIH nabna yaybulle nooriy inkih yan Qibaadah-Qarik adda ifsahiyya uble. Too waqdi gomboh baaxok bagul rade.

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Zakariyya 14:9

Tohuk lakal YALLI, inkih yan baadal malikih anuk, baaxo xiinisele. YALLAK sah yaqbudeenim ane waytam kulli num aaxigele. Kaak sah tu mayaqbudan.