Yasaqya 59:3 - NABUWWA KEE MALIKWA

³ Diraabat yabtaanaah, kullim dirkih abtaanaah, qabal gabal siinik yan. Toh inkih qellatay isin abtaana.

Yasaqya 59:3 ပူးပေါင်းရင်းမြစ်များ

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 3:8

Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

Yasaqya 30:9

Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Yasaqya 44:20

Ballaaqet aben daacoh gide ikkal, tuxxiq lem hinna. Oson ceele-waytiy duquruk kalih mari edde ase waahiyyat asaanaah; ahak ken cataanam faxaanamah akak duude waan caddoh yemeeten. Ta mari ta ceeloy gabat loonuuh yaqbudeenihiyya yalla hinnam keenih matambulla.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.

Yasaqya 9:15

Amo keenik idoolay oson assakaxxuk sugeeniiy; geerah keenik tanim, nabuwwa kinnino iyya maray dirab acayuk sugehiyya.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Ermiyaas 2:34

Xagarat liton sartan tu-maleela kee umaane sinni marih qabalat isinnik bayisseenim matablan. Masaakiina akke waytek, umeynitil bahtaanam manton. Tonna'mmay ta axxul le umaanet taniiniih,

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 7:8

«Makot sin beya marih yaabay tu xiqe sinnihiyya numma takkalen.

Ermiyaas 9:2

Yi mari YALLAL luk sugen imaan cabe maray sinam gana kinnoonumih sabbatah, keenik xer baaxo geyaamal faxe raareh an. Mafdagay yi marak elle axxeerehiyya faxe raare» 'yaanam iyye.

Ermiyaas 9:7

Tohih sabbatah YALLAY Nabaamak Nabahiyya iyyaamah: «Birta girat elle yagirriben innal, anu inni mara agirribeyyo. Yakken mara keenik ableyyo. Yi mari aba dambi able waqdi, toh keenik abe week, maca keenik aba?

Yacedkel 13:8

«Tonna-leemik YALLAY Mulki lehiyya siinik iyyaamah, ‹Isin edde yabtan yab diraabaay; «Nubleh» intan wacyi tublen wacyi hinna. Tohih sabbatah tahal saduh siinil an› siinik iyya.

Yacedkel 22:2

«Bani-adantow, a sahda qida mari kibuk elle yan Yarusalaam magaalal cokmi ab. Cokmih tuk teena teetik inxic. Is abba hayte umam-yabuli teetih waris.

Yacedkel 35:6

Tonna-leemiik waara YALLAY Mulki lehiyya kinniyooh, inni migaaqal xiibita'mmay, rabal sin digaaleyyo. Too rabak tasillimen ikke mageytan. Baatil kee sahdâ qidimih yimixxige mara kinniton. Sin kaadu woo baatil abbixele.

Yacedkel 7:23

«Baaxol titta qida mari yemeggeh; magaalal umaane aba mari caddo cabelek, silsilatwa bicis.

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 7:13

Bayeenih! Yi yab cineeniih, yoo cineenih. Ken catam faxeh immay finqitelon. Makot yoo yuqbudeeniih, tohih sabbatah bayelon.

Hosiqa 7:3

YALLI iyyeemih, «Ummat uma-taamat assa waqdi, malik kee kay gubal tan doolat abbobti inkih ruffa intaah, ken dirab kicnon.

Miika 3:4

«YALLAL elle weqtoonu waytan wakti xayih, yemeeteh immay, too saaku YALLI too weeqa siinik moggola. Umâ-yabulih tanim abak sugteeniih, tohuk gexxaamah YALLI abtan dooqa siinik moggolaay darre siinit cabele» siinik axce.

Miika 6:12

Siinik gadda leelah yan mari tu maleela yadlume. Takkeenimiik dirab leela kinniton. Sinam duquurussan.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.