Yasaqya 59:2 - NABUWWA KEE MALIKWA

² Sin akah aabbe waam, isin abtan umaaneh sabbata. Sin Dageltak sin tayxeerem, isin abtan dambi.

Yasaqya 59:2 ပူးပေါင်းရင်းမြစ်များ

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Yasaqya 58:4

Tohuk kalah kaadu, abtan soom, qeebi kee qamalliinot siinik caba; naqabu kee qeebih sin yecee. Hay, annah yan soomut abtan dooqa oggoleyyom takkaleenii?

Ermiyaas 5:25

Isin abtan dambi kee umaane, ta maqaane sin gee kalteh.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Miika 3:4

«YALLAL elle weqtoonu waytan wakti xayih, yemeeteh immay, too saaku YALLI too weeqa siinik moggola. Umâ-yabulih tanim abak sugteeniih, tohuk gexxaamah YALLI abtan dooqa siinik moggolaay darre siinit cabele» siinik axce.

Yoosuwa 7:11

Israayil mari dambi lem baaheeh; anu ‹Maabina› keenik excem abeenih ken lih hee qahdi makeenih. ‹Mabena› exce duyye garqeenih isinnih haysiten. Isinni duyyet yesgelleeniih too duyyek diraabah niimi iyyen.

1 Samuwel 4:3

Israayilik rabak raaqe mari isinni aracah yuduuren waqdi, Israayil makaabon inteemih, «YALLI a saaku Filistiin mara qeebil nek akah yiysiisem macak tan kaay? Siilo fan gexxa inneh, YALLIH Qahdi addat akak yan Sandug bahnaama. Toh abnek, YALLI ne'lih aneleeh, ni naqboytiitik nee aysiisele» 'yaanam iyyen.