Yasaqya 59:19 - NABUWWA KEE MALIKWA

¹⁹ Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yasaqya 59:19 ပူးပေါင်းရင်းမြစ်များ

Yasaqya 30:27

YALLI allak yambullee. Kay naqbi habug inta girah bis leeh; woo girak kaxxa qeeriy datahiyya yawqe. Kay afak yawqe yab habug inta giray sahda takmehiyyah bis le.

Yasaqya 30:28

Kay ufuy kaxxa weeqay kullim duufut beyahiyyah bis le. Baadal tan doolatwa yaqiyyireh, finqa ken abele. Baadal tan ummatta badseleeh, santiitat hayya ken heeh makot ken beele.

Yasaqya 45:6

Toh akah aba sabab liyo. Toh macaay intek, addunyak ayrô-mawqaay ayrô-culma takke baaxol yan mari Yalli dibuk yoo kinnim yaaxige'gidiiy, yok sa Yalli ane waam yaaxige'gidi.

Yasaqya 49:12

Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.

Yasaqya 66:12

Macaay inteenik, YALLI iyyaamah, «Ambaxe sinni amaanah Siyoonut xiiniseyyooh; doolatwa elli hayta gaddaliino, kafe sinni weeqaytih innah, teetil caxitele. Isin, ina gurumbal qarissa baxay kacni intit tablehiyyah bis alletton.

Yasaqya 8:7

tonnal yooy Goytah yani, Assuuriyah-malik kee usuk elli haa qaskar ken radaana'gidih baaheyyo. Furaat kaxxa weeqaytuy sissikuk gexay dariifal caxittah innah amaatelon.

Daaniyel 7:27

Addunyal enna 'ya marih xintoh qande kee nabna, Yallay inkih daga raaqahiyyah ummattah aceelon. Ken daadarinni, ambaxe sinniih waara daadarinna. Xintoh abbobtiy a addunyah bagul enna 'tahiyya inkih ken akdumelon, amri keenik oggolelon› yok iyye.

Miika 7:17

Abeesah innah cerriy axcuk ballaaqek bagul gexelon. Yallak aben meysih axaxitak, koositih bicsen-aroocak yewqeenih amaatelon. Aben meysih YALLAY ni Dageltah yanil aduurelon.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.