Yasaqya 59:18 - NABUWWA KEE MALIKWA

¹⁸ Kullim cakki-gitah gacseleeh, sahdal baahen umaaneh sahda digaalele. Kay naqboytit abba heen umaaneh digaalele; xer baaxol yan mara kinni way digaalele.

Yasaqya 59:18 ပူးပေါင်းရင်းမြစ်များ

Yasaqya 1:24

Tonna'mmay YALLAY Nabaamak Nabahiyya, Israayil doore Dageltay Mulki le kinni. Kaay Goytah yani iyyam leh, «Yi naqboytiitey, ahaysa cane siinil gacseyyooh; tahak wadir taqabi yol matakkan.

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Yasaqya 40:10

«YALLAY Mulki le yamaateh, baaxo isi caylat xiinisuh, mamaatat yan, yamaateh yan; isi galto luk yamaate. Isi-ummatay isih wade, gabat baahak, yamaateh yan.

Yasaqya 49:4

Anu yaabeh, annah exce, «Taamiteh immay, yi taama, foyya tekkeeh, boolatteh tan. Dudda haam akah taqbe'mmay, bicsem mayyu; duudem mayyu. Yot tekkeemih yi Dagelti yoh hawselem kaak aaxigeh. Anu edde aseeh abe taamal, kay galto geeyyom digga le. YALLA akah aaminem tohu.

Yasaqya 63:3

«Amah, ummattat inkih qinab xayloh innah eeqete. Toh, innih dibuk abe'kkal, baadal tan ummattak inkih, num yo'lih maabinna. Enneeqebbe waqdi keenit eeqeteeh, ken qabal sara yok bayseh.

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Yasaqya 65:6

«Ken umaane yi garil tan; yi foocal tan; maktuubuk tan. Anu ahak, way tibba maxca. Ken abtol ken digaaleyyo. Keenih taguude digaalah digaale ken liyom digga.

Yasaqya 65:7

Anu siinik axcem liyo: ‹Sin kaxxa abbobtih dambi kee isinnih edde assen dambih anu digaaleyyom siini. Tohuk sabab yoo esserteenik, qaleela kee koomam amol cado akak carrisan sadgat abeenih yoo xaafak sugen. Duyyeeyah qibaada elle aben. Tonna leemiik tohuk gexak oson edde asen umaane tohul taguude digaalah digaale ken liyom digga› » 'yaanam axcuk YALLI yaabe.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Yasaqya 66:6

Kee ummatey ankacisa! Woo magaalah addal taabben xongolo ankacisa! Yallih Qibaadah Qarih addak radda xongolo ankacisa! YALLIH xongoloy isi naqboytit edde digaala'gidih ruubehiyya ankacisa!

Ermiyaas 17:10

Takkay immay sahdayti-afqadot tanim taaxigem, yoo YALLA. Sahdayti afqado tacsubeemik magarcita. Kulli numul le qamalih innal mekla; kulli numuk abto elle tan innal kaal mekla» iyye.

Ermiyaas 32:19

Abtam cubbil aba Dagelta kinnito. Atu abtam nabaamak naba. Sinam abba haytam inkih yable Dagelta kinnitooh, kulli marah le taamah innal mekelta.

Ermiyaas 50:15

Kulli kabuk qeebi teetit aba. Taway tirtira takkeh tan! Gasoosa raddaah diglot tan. Amo xer qarway gibah xiseenihiyya qeebit yaggileenih yanin. Taway Baabelon gaba taceeh! Qeebil gacteh. Tah inkih yi digaalah sabbatah keenit tekkeemi'mmay, isin kaadu cane keenik gacsita. Oson sinaamal baahak suggu 'yeenim keenil baaha.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Yacedkel 23:49

Sin nammayat uble adbi-sinna kee xeet kee cooxuk bicsen duyyeh abak sugten qibaadah sin digaaleyyo. YALLAY Mulki lehiyya kinniyom too saaku yok aaxigetton› » iyye.

Yacedkel 38:18

«Goog Israayilit qeebi abu waa saaku, yi naqabuy gibdihiyya ambulleele. Tahat yabtam yoo YALLAY Mulki lehiyya.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 6:12

Allal yan mari keenik dalkah ambaxele. Xayi'kkel yan mari carbit keenik ambaxele. Tohuk raqtem qululuh ambaxele. Tonnal yi naqbi le'nna ablelon.

Ayyuqel 3:4

YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.

Naacum 1:2

YALLI isit massoowan faxa mara maqansiisa. Kaa niqbaah, kay yab cina maral cane gacsah. Kay naqabuk tamaate bala keenil obta.