Yasaqya 59:11 - NABUWWA KEE MALIKWA

^11-12 Ali innah garadnaah; camaamah innah iihisak nan. YALLAW, kol bahne dambik loowo mangoh. Tohih sabbatah qadaalat fanxa'mmay qadaalat mayanaay; nee wadda'gidih kok qamballa'mmay, tu geenih manan. Abne dambi nel sumaaqitaah; qellataay umaane ninnik diggi hayna.

Yasaqya 59:11 ပူးပေါင်းရင်းမြစ်များ

Yasaqya 38:14

Anay boola yok baaheh yen. Robti-kimbir celamceelak, wirriq axcuk, xongolak en. Camaamah innah iihise. Qaran wagittot namma-inti taqabteeh boola yok bahte. ‹Edde anim, ankikkiqiyya; Yallaw, yoo eyyeq; yoo wad, YALLAW› 'yaanam exce kaa kallace.

Yasaqya 51:20

Xaylo siinik xagar-boolah kulli gitih addal yannikisseenih, qangalaalat yanin. YALLI keenit aba bagcarrah sabbatah, oflot yibbixen sageerih innah raden.

Yasaqya 59:14

Tonna-leemiik, qadaalat mayanaay; cakkik tan maqaane baaxok teerreh. Numma qado-laqo qellitteeh, amaanat bayeh.

Yasaqya 59:8

Amaan le gita mataaxigan; qadaalatak ane wannaanim abtan. Makoh yan gitat gexxaanaah woo gitat sin lih gexe mari amaan way magenna.

Yasaqya 59:9

Ummatta intaamah, «Yalli nee akah cate waam, tohumu. Qadaalat nek yexxeereeh; cakkik tan maqaane nek teerreh. Edde genxa ifu geennom nekkele'mmay, edde nanim diteh addaay,

Ermiyaas 8:15

«Ahak wadir amaanah xiinennooh edde nan biyaakak qaffootennom akkaluk sugne'mmay, woh makkooy; wohih aftok akak cunxitan umaane nee tibbixe.

Ermiyaas 9:1

«Yi ummattay tambaxem faxxahiyyah bar kee laqoh weeqa'gidih, moyya kee intiita yok ximo akak racta raceyna takkem faxe raare.

Yacedkel 7:16

Marak garab goloh addal suge kimbiiriy qale fan gilitahiyyah innah, qale fan kudele. Kulli num isih abe dambih nadaamitele.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

Naacum 2:7

Malik barra carbit tantixibbixe. Seewah tet beyan. Tet kadaadim arkiteh, kurrubaaheh innah boogisaanah, rookah alil isinnik yaaguren.

Naacum 2:8

Yiddigille dorak caxitte leeh innah, ummat Nanawê-magaalak gexxa. «Ummatey, mardina» keenik iyyaanamah, moggolaanay bisoh kudan.