Yasaqya 58:8 - NABUWWA KEE MALIKWA

⁸ Toh abteenik, qusba-mano, saaku tawqe ayroytah innah, siinil ifele; liton dalek xayih uretton. Liton qadaalat sin dacriseleeh, anu liyoh an nabnat kulliimik sin dacrisele.

Yasaqya 58:8 ပူးပေါင်းရင်းမြစ်များ

Yasaqya 26:2

Numma le mari cula'gidih tet gasoh afa faka, ummatey. Imaan le mari akak cula'gid tet gasoh afa faka, ummatey. Kibaal Yallal digga le mari cula'gid gasoh afa faka.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 33:24

Too saaku ni marih addat biyaakita num mageytima. Wokkel woo saaku dabaaqah sugu waa marih dambik Yalli qafu abele.

Yasaqya 52:12

A saaku gexot akah tasissikeenim manton; akak kuddaanam manton. YALLI isih foocat siinik gacca 'yeh sin beeleeh, kulli kabuk isih sin dacrisele.

Yasaqya 57:18

Ken taama ableh immay, innih ken uruseyyo. Innih ken miraaciseyyooh ken cateyyo. Rookat yan marat niya heeyyooh, yok iyyaanam ken afat heeyyo. Xer ikke kee xayi ikkel yan marah inkih, kaxxa amaan aceeyyo. Inni mara innih uruseyyo» 'yaanam iyya YALLI.

Yasaqya 60:1

Yarusalaamey, ifi kol ifseemih sabbatah ugutey ayroh innah ifey; YALLIH nabna kol ifta.

Yasaqya 60:2

Macaay inteenik, baadal dite gactaah, baadal tan ummatta diteh addat gexxa'mmay, ku amol YALLIH ifi ifele. Kay nabna ku addal gacele.

Yasaqya 62:1

Yarusalaamah liyo kacanuk gexxaamah yaabu waa; Siyon waddintam fanah tibba maxcaay, is geyta cakkik-tan-maqaane, bar ursan girah innah, urtam fanah maffoofa.

Ermiyaas 30:17

Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.

Ermiyaas 33:6

Takkay immay a baati raagtu wayta baati hinnaay, ahak sarra Yarusalaamak rooci wadeyyooh, luk sugte qaafiyatah tet gacseyyo. Kaxxa maqaane kee wagarih tet xiiniseyyo.

Hosiqa 14:4

YALLI iyyaamah, «Ahaysa keenit luk suge bagcarra xabbacoowe'mmay yoo fan ken gacseyyooh, baguuk ken akcineyyo.

Malaaki 4:2

Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.