Yasaqya 58:6 - NABUWWA KEE MALIKWA

⁶ «Anu faxa soom siinih warisu waa. Qadaalat-sinni-silsilatay sahda edde tabbixeeni kee sahdak fillal tabbixen koyta sahdâ-fillak kalay edde xukkutan mari currih yanay inxica.

Yasaqya 58:6 ပူးပေါင်းရင်းမြစ်များ

2 Aydaad 28:11

Taway hay, siinik axceemihii, YALLIH naqbi siinil oobaamak. ama maray seewah tabbixeenihiyya sin tooboko kinnim ixigga hayteenih, ken baaxo fanah ken ruuba» keenik iyye.

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

Yasaqya 33:15

Cakkit taamitaah nummat yaabaah, bukko kee rado niqbaah, guqul bee waah, sinam qidim kee umaaneh abittol malisa marat angale waah, umam abittot yan marat angale waa num fayya le arac geya. Reebuh, num aleele waa boolot gacele. Yakme maaqo kee yaaqube lee mawaa.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Yasaqya 58:9

Deero abtan waqdi, sin deero aabbeyyooh; catoh yoh sectan way, ‹Ah yoo› axceyyo. Sahdat abtan xukko cabteeniih sahda burutaanamak raqteeniih uma qangarah maxcok af tibba hayteeniih

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 50:33

YALLAY Nabaamak Nabahiyya iyyemii, «Israayil kee Yuudâ-mari kaxxa xukkoh addat yan. Ken yabbixe mari wagittoh keenit yaniih, rike ken gexi mahaan.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Yoonas 3:8

Sahda kee saq inkih qabuudut gactaama. Kulli num baguuk Yalla fan dooqa abaama. Kulli num uma caalat kee uma taama cabaama.

Zakariyya 7:9

Kaak iyyeemih, «Yabtam yoo YALLAY Nabaamak Nabahiyya. Anu dumaak inni marah amri eceeh en. Keenik exceemih: ‹Qadaalatah tanim abaay, meqem tittah abaay, tittah racmata.