Yasaqya 57:11 - NABUWWA KEE MALIKWA

¹¹ Yoo akah hawwenteenih yot darre akah cabteenim, isin akak meysittaanam macaay? Yok akah meysite waytaanam mango wakti tibba siinik exceemi innaa?

Yasaqya 57:11 ပူးပေါင်းရင်းမြစ်များ

Yasaqya 26:10

Dambileelah meqem abta way, tonnal qadli kinnim mabartan. Cakkit-gexah yan marih-baaxol, umam aban; dambi lem baahan. YALLI le misliino kee heebat macubbusan; toh mayaaxigan.

Yasaqya 30:9

Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Yasaqya 42:14

YALLI iyyemii, «Mango dabaanah tibbat sugeeh ableeh aabbeemik tibba axcuk, tu elle gacse'kal suge. A saakuh tu gactek, abini wakti yemeeteh lacawat tan barrah innah iihisah, deero aba.

Yasaqya 44:20

Ballaaqet aben daacoh gide ikkal, tuxxiq lem hinna. Oson ceele-waytiy duquruk kalih mari edde ase waahiyyat asaanaah; ahak ken cataanam faxaanamah akak duude waan caddoh yemeeten. Ta mari ta ceeloy gabat loonuuh yaqbudeenihiyya yalla hinnam keenih matambulla.

Yasaqya 47:7

Kulli waqdi maliká tikka 'teh waarettom tekkeleeh, cubbusak masuginnitooy, digaala kot akkelem kot maceelinna.

Ermiyaas 2:32

Sugay, qibna fillí-bila hawwentaa? Qad-qari-qibna teetih baahen bila cabba hayteh qad-qari orobtaa? Moorobtam kulli num yaaxige tiya. Yi maraw, isin hay loowo akak igmon ayroorah gide yoo hawwenten.

Ermiyaas 3:21

Ermiyaas iyyemii, «Allak qaleh amok xongolo yol radda. Too xongolo akak raddam, Israayil maray isi Dagelta hawweeneeh, dambi le taamat asehiyyak ten. Too mari aba weeqa kee, kallacih aban xongolo yol radda» iyye.

Ermiyaas 38:19

Too waqdi malik Ermiyaasak iyyeemih, «Anu, ni maray Baabelon-mara lih gacca 'yeh nee bayisam faxahiyyak meysitah an. Baabelon malikil gaba eceek, usuk ni maray ken lih yanihiyyah gabal yoo haam takkeeh; tonnal too mari umam yol baahele» kaak iyye.

Ermiyaas 42:20

Ta yab cintaanamak gactam sin matabbixa. ‹YALLAY ni Dageltah yani neh kallacaay dooqa neh ab. Tahaysa YALLI nek aba axcinnaanim abenno› 'yaanam isinnih yok inten.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

Hosiqa 11:12

YALLI kaadu iyyeemih, «Israayil ummat dirab kee ayra yol tecee. Yuudâ mari yi yaabih cinat yanih; yooy digga leeh taahirik yan Dageltah yani cineenih.