9 Kee alluwwey, garbok amaay akuma!
Ken qaskarih raysi guma kee alluwwâ-gadda akkele. Ken raysa, cagay guma akmeleeh, alluwwa gilal akmele» 'yaanam iyye.
Ayrô-mawqa le kabuk qawita ceela numuh seecah an. Too num xer baaxok kaxxa dadah abak amaatele. Anu abam faxam kay gabat bicseyyo. Taham akkeleemit yaabeh ani'mmay fanat mayseeda.
Yi maray anu dooritehiyya, kimbiiriy qawi kulli kabuk maraasiytehiyya yekken. Alluwwa ken takme'gidih akah seeca.
YALLI iyyemii, «Yi mara bayissaah fixixih rubta malikwat yi cokmi yakku waa saaku, cokmi keenil agibdeele!
Koo kee too kullum inkih bacarih tan baaxol qideyyo. Tokkel ginaada kok gubbil elle cabeyyooh; koo yaaguqe mara mageyta. Ginaada kok guma kee alluwwâ gadda abeyyo.
YALLAY Mulki lehiyya yok iyyeemih, «Bani-adantow, anu keenih bicse sadgat yattakammeeni'gidih, haada kee alluwwah sec. ‹Israayil qaleelah amol kaxxa sadgat akkele. Tokkel alluwwa kee haaday, sahdâ qabal kee cado yakmeeni'gidih ama› keenik inxic.
