Yasaqya 56:7 - NABUWWA KEE MALIKWA

⁷ Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 56:7 ပူးပေါင်းရင်းမြစ်များ

1 Malikwa 8:41

«Israayilih aabuke waamah faxe numuuy takkay, ku nabna kee ku qande kee cayla yaabbu waa waqdi kee, ku abini le innak xaagu geyu waa waqdi, a Qibaadah-Qaril dooqa aba'gidih xer baaxok yemeete kaa tekkek,

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 19:19

Too ayro, Masri rasuk gudet, YALLAY Nabaamak Nabahiyyah sadgat elle aban arac heelon. Masri cuduudul kaadu xeetik bicsen qamidduy kaa elle kassitaanahiyya heelon.

Yasaqya 19:21

Tonnal, YALLI Masri marah ambulleeleeh; too waqdi kaa aaxigelon. Kaa yaqbudoonuh, sadgat kee mattaco kay migaaqal abeloonuuh; YALLAH nadri culeloonuuh woo nadri duuduselon.

Yasaqya 25:6

YALLAY Nabaamak Nabahiyya addunyâ-bagul enna 'ta ummattah, a Siyon qalel, kaxxa xigla abele. Too xiglah kulsa le maaqo kee qinabak bicsen kamriy kulsa lehiyya bicsele.

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 57:13

Catô-goranah deero abtoonu waytan saaku, ama yalla axcuk taqbuden duyye sin cattay! A duyye caacay duufut beele. Takkay immay reebuh yoo eleelite mari, xagana keenih akah cule baaxol gaceloonuuh, yi qaril yoo aqbudelon» 'yaanam iyyah yan.

Yasaqya 60:11

Mango baaxoh malikwa kee ken-doolatwah-duyyek-tedderem koo fan akah baahan innah, ku gasoh afoofi bar kee laqoh fakimit gacele.

Yasaqya 60:7

Keedar kee Nebayot mari illik elli haam sadgatah ku fan baahelon. Yoo ruffu haana'gidih, sadgatah asguudeloonuh; anu too sadgat keenik oggoleyyo. Tonnal yi qariy bilqa lehiyya qax-meqe bilqak kibeyyo.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 65:11

«Toh hinna'mmay raaqe maraw! Yoo hawweeneeh cine maraw! Yi qaley taahirik tani hawwenna 'yeeh burte maraw! ‹Nasiib› akak iyyan duyyeh meqe maaqo yecee maraw! ‹Ellecabo› akak iyyan duyyeh qinab-kamri yecee maraw, siinik excem tabbeenimi!

Yasaqya 65:25

Wakri anaqtu waklisele; lubak maaqoh qayso akmele. Awur innah qayso akmele. Hay, abeesa numut m'artaay, dibuk akmelem bullaaqe. Yi qaley taahirik tanil tet amol faxinnaan ikkel biyaakissam mageytinta; ahaysa umaane mayablan» 'yaanam iyya YALLI.

Ermiyaas 7:11

Yi Qibaadah-Qari garoqti aleelitta gabla maay takkalen? Isin abtaanam inkih ableh. Tah intam yoo YALLA.

Yacedkel 20:40

Yi qaley taahirik tanih amol, Israayil maraw, yoo aqbudetton. Fayya le Israayil qaleh amol, Israayil mari inkih yoo aqbudelon. Too saaku sin assakooteyyooh, sadgat kee muxxo le mattaco kee taahirik tan acway gabat bahtoonu waytaanahiyya siinik oggoleyyo.

Yacedkel 47:22

Sin ikoyta akkele. Allî-baaxoh maray sin addal yaniih xaylo sin addal xaleeh qarsitehiyya, tama baaxo kurta saaku, ken akak macabinaay ken afto keenih akak ucuy. Israayilih yooboke marih intit ken ubulaay, baaxo kurta saaku Israayil xaylok kaxxih, baaxol saami caxxa keenih qidaay, ken afto keenih ucuy.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.