Yasaqya 56:11 - NABUWWA KEE MALIKWA

¹¹ Maaqok cayye sinni kuutah gide. A marih-loynitte kas maliiy tut maradda. Kulli num isit amqinnaanim keenik aba. Bukko kee guqulul adoobitan.

Yasaqya 56:11 ပူးပေါင်းရင်းမြစ်များ

Yasaqya 1:3

Laahi is le mara yaaxigeeh; danoona ken yeddere mari qayso keenih elle yecee arac taaxigeh immay, Israayil maray yi mara kinnihiyya ta gide yaaxagu yeffereh. Tahat radoonu cineenih» iyye.

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 6:13

Ken umaane ah teeti. Qunxa num kee kaxxa num keenik inkih dulmih lakqo sinaamak beyan. Nabuwwa kee seeka kinni way dirab kee deedalat sinam ayrisan.

Ermiyaas 8:10

Tohih sabbatah oson luk sugen baaxoy buqre elle abaanahiyya, marah keenik aceeyyo. Gennaaqoh agabu keenik marah aceeyyo. Macaay inteenik, kaxxa num kee qunxa num keenik marin duyye dulmih elle beyan innih malat yan. Nabuwwa kee seeka kinni way sinam duquurussaah sinaamal dirab taceem bahte.

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Hosiqa 4:8

Yi mari abah yan dambi kalootuh orba sadgat siinih gaddaliino xale. Tohih sabbatah uxih mango dambit asaanam keenik faxxan.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Malaaki 1:10

YALLAY Nabaamak Nabahiyya iyyeemih, «Yoh sadgat elle abtan aracal tu xiqe sinni gira urussaanamak, gira akah uruse waytan innah, qibaadah qarih afoofi siinik alfa num geenniyoy faxe raare. Isin abtaanam ruffu yoo mahaytaay; sin sadgat moggola.

Makaabon 18:20

Too waqdi sek farcaan yekkeeh, taahirik tan duyye akak iyyan duyye gabat hayya heeh, ken lih gexe.

1 Samuwel 2:29

Hay tonnal, yi mari yoh baaha sadgatah koo kee ku xaylo inti macah rubtan? Sugay, atu yok isi xaylo mannal tassakaxxeeh? Yi mari baahah yan sadgatih cadok aysinnaan exxah adoobat gabulteenim siinik able waam makkalina.