Yasaqya 55:7 - NABUWWA KEE MALIKWA

⁷ Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Yasaqya 55:7 ပူးပေါင်းရင်းမြစ်များ

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 15:4

Takkay immay gadaama ken tibbixe saaku kaal yuduureeniih, YALLAY Israayil doore Dagelta kinnihiyya fan niya haysiten. Kaal yuduureeniih, kaa geen.

2 Aydaad 30:6

Farmoh ruuben mari, malik kee malik gubal taamita mari keenik elle iyye innal, inkih tan Yuuda kee Israayil rasu gexeeniih; yuktuben warkat akriyuk, keenik iyyeenimih, «Israayil maraw, YALLAY Abraahim kee Iscaakaay Yaqkuub doorehiyyal uduura; toh abteenik, siiniy away Assuuriyah marih gabak cate mara kinnihiyyal aduurele.

2 Aydaad 33:13

YALLI, Manasse abe dooqa oggoleeh, Yarusalaamal akah suge malikih gaca'gidih, Yarusalaam fan kaa gacse. Tohuk gexxaamah Manasse, YALLI dibuk Yalla kinnim yeexegeh.

2 Aydaad 7:14

yi maray yi migaaqal yaaxigeenihiyya yoh rammitak yoo kallaceeniih, abak sugen umaane cabba heenih toobiten ken tekkek, tonnal aban dooqa, elle an qaraanak keenik aabbeyyooh, abeenimik qafu keenih abeyyo. Ken baaxol suggu 'ye niqmat wadir keenih gacseyyo.

Yasaqya 1:19

Isinni fayxiik dibuk yi amrih gacteenik, baaxok tooboke daro kee caxâ-miruk aysinnaanim sinim akkele.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 21:12

Too waqdi anu kaal gacsemii, «Maaci maacisele'mmay, bari siinit qagtele. Ahak sa essertam tellek, uduuray esser!» kaak exce.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 54:10

Qaleeli bututtukka 'yaah, koomaami suge wayteh innah gactaamah, koh liyo kacni way mabaya. Amaanah koo xiiniseyyoomuh xagana koh cula» 'yaanam kok iyya. Tamah kok intam, YALLAY koh nacruurahiyya.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Yasaqya 58:6

«Anu faxa soom siinih warisu waa. Qadaalat-sinni-silsilatay sahda edde tabbixeeni kee sahdak fillal tabbixen koyta sahdâ-fillak kalay edde xukkutan mari currih yanay inxica.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 4:14

Yarusalaam ummatey, waddintaana'gidih umaane afqadok isinnik kala. Bagut umaane kulli way maay xiinissan?

Yacedkel 14:6

«Tonna-leemik Israayil marak, ‹YALLAY Mulki lehiyya siinik iyyaamah: Ama qaybik tan xeet kee cooxuk bicsen duyyeh qibaada cabba haay yol uduura› keenik inxic.

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Yoonas 3:10

Yalli oson uma taamak raaqeenim keenik yubleh. Tohuk gexxaamah keenit abeyyo iyyeh suge digaalak raaqeeh, ken madigaalinna.

Zakariyya 8:17

Titta edde biyaktoonu waytan mala tittah mamalsina. Xiibitak able wayteenimil masumaaqitina. Anu diraabat yaabaanam kee qadaalat makot beyaanam kee umaanet asaanam makiciyyo. Toh intam yooy YALLA» iyye.