Yasaqya 55:6 - NABUWWA KEE MALIKWA

⁶ Uxih kaa geettoonuk, YALLAL uduura! Away garit siinik yanik, catoh kaah seeca!

Yasaqya 55:6 ပူးပေါင်းရင်းမြစ်များ

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

2 Aydaad 19:3

Tohu'mmay away uxih Yallih garil maqaanek baxaysite num hinnito. Aseera deqsittaamay yaqbudeenihiyyah astah sooliseenih sugen gurumuuda bayisseh. Yallih gita katayak sugte» kaak iyye.

Qedra 10:2

Sarrak Yaciyél-Sekanya deqsita numuy Qeelam gulubuh gacsahiyya Qedrak iyyeemih, «Marin agabuk digibne waqdi, Yallay ni Dagelta kinnihiyyal imaan hee waynem deqsitta. Tohu'mmay uxih Yallal niya linoh.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 26:9

Baral koh maxhaxah, Dageltaw, maaca kaadu ku raksit liyo. Addunyal ku cokmi yablen way, sinam qadli kinnim baritta.

Yasaqya 45:19

Anu dibuk tan ikkel sin lih mayaabinniyo; abam faxam siinik maaqurinniyo. Yaqkuubuk rade marak, ‹Yoo akah gorrisa› excem foyya hinna. Anu YALLAAY; edde yaabam, numma le yaaba. Cakki baxxaqqa haa Dagelta kinniyo» 'yaanam iyyah yan.

Yasaqya 45:22

Baadal tan ummatey, inkih waddintaana'gidih, a saakuuk yol uduura. Yalli dibuk yoo.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 49:8

YALLI iyyamaa, «Innih faxe waktit koo oggoleyyo. Edde cateh meqe waktit kaadu koo cateyyo. Koo dacriseyyooh, amo kok wagteyyooh, ummat lih qahdi ku kabuuk heeyyo. A saaku abuuruk yan rasul ahak sarra sinam nookisetto.

Yasaqya 58:9

Deero abtan waqdi, sin deero aabbeyyooh; catoh yoh sectan way, ‹Ah yoo› axceyyo. Sahdat abtan xukko cabteeniih sahda burutaanamak raqteeniih uma qangarah maxcok af tibba hayteeniih

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Yasaqya 65:24

Dooqa kee kallacit anih faxeenim keenih abeyyo.

Ermiyaas 25:5

Too nabuwway sin adda amaatuk sugtehiyya siinik inteemih: ‹Uma taama kee qamalliinoy edde taniinihiyyak raaqa. Tahak raqteenik, YALLI sin kee sin kaxxa abbobtih kulli waqdi ikoytah yecee rasul muquk xiinetton› siinik iyyen.

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.

Yacedkel 14:6

«Tonna-leemik Israayil marak, ‹YALLAY Mulki lehiyya siinik iyyaamah: Ama qaybik tan xeet kee cooxuk bicsen duyyeh qibaada cabba haay yol uduura› keenik inxic.

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yacedkel 8:6

Too waqdi Yalli yok iyyeemih, «Bani-adantow, ama'kkel takkem tablee?» yok iyye. Qagissa heeh, «Israayil mari aba qaybih tan taama ubuley. Tama table qaybik gexxaamah, yi aracay taahirik yanik yoo yeyxeereenih. Ahak sarra amahak gaca qaybi elle yakke arac abletto» yok iyye.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Hosiqa 10:12

Qusba baaxo ubquruta keenik exce. Cakki ubquray, maqaane orbisita. Yoo sin YALLA fanah edde aduureh meqe wakti a saaku'mmay yol uduura. Yol tuduureenik, barkat siinit heeyyo» 'yaanam siinik iyye.

Qaamus 5:6

Qaamus iyyemii, «Maabinay YALLAL uduura. YALLAL tuduureenik, mano geetton. Toh cinteenik, Israayil ummatal Yalli, giray sahda takmehiyya siinil akkele. Beetal magaalal yan mari girat laqlaqimele. Woo gira keenih bargusa mara mageyan.

Yoonas 3:8

Sahda kee saq inkih qabuudut gactaama. Kulli num baguuk Yalla fan dooqa abaama. Kulli num uma caalat kee uma taama cabaama.