Yasaqya 55:4 - NABUWWA KEE MALIKWA

⁴ Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Yasaqya 55:4 ပူးပေါင်းရင်းမြစ်များ

2 Samuwel 22:44

Yi maray yoo cinek yoo waddem koo, Yallaw. Mangoh tan baaxooxak amoytah yoo hayte; uxih ken abbah an. Anu ken maaxigaay, yoo yeexege mari yi xintoh gubat yan.

Yasaqya 16:5

Tohuk lakal Dawuduk rade marak numuk teeni malik akkele. Usuk ummatta digga kee kacanut xiinisele. Cakkik tanim sissikuk abeleeh, qadlih taamitaanam kee taamite waanam cubbusele.

Yasaqya 43:10

YALLI iyyemii, «Yoo taaxigeeni'gidiiy yol taamineeni'gidiiy Yalli dibuk yoo kinniimih sumaq takkeeni'gidih, sin dooreeh inni naqoosa sin abe. Qimbooy ellecabo mayyuuy, tohoysa yok sa Yalli mayan.

Yasaqya 43:12

Takku waytam naharal elle siinih warseeh; toh tekke saaku, wadootuh siinih temeeteeh sin waddem yooy; tohum inkih toysoobbem yoo ikkal, ama sinam taqbude duyyey gabak bicseenihiyya hinna. Tonnal, yok sa Yalli ane waamah sumaq yok siini» 'yaanam iyye.

Ermiyaas 30:9

Yoo YALLAY ken Dagelta kinnihiyya kee, Dawuduk rade numuy anu malik abu waahiyyah taamat gacelon.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Daaniyel 9:25

Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.