Yasaqya 55:13 - NABUWWA KEE MALIKWA

¹³ A saaku waaqeexa elle tan aracal, saagan aabukele; sibaasib elle yan aracal, ceba aabukele. Taham, YALLA elle kassitan waarta asta takke» iyyah yan.

Yasaqya 55:13 ပူးပေါင်းရင်းမြစ်များ

Yasaqya 19:20

Too aracay sadgat elle abaana kee qamiddi, YALLAY Nabaamak Nabahiyya Masril yaniimih asta akkele. Tokkel yan marat xukko takku waytaah YALLAL cato esseroonu waan saaku, wakiiliy ken catu waa keenih ruubele.

Yasaqya 32:13

Ummat afracuk addal akak tan qarwa kee, too qarwa elle tan magaalay farci kee wallitiyyat abak sugtahiyyah weeqay rookita. Yi ummat elle tan baaxol sissib kee keenan le coox aabukele'mmay weeqay rookita.

Yasaqya 35:1

Bacarih tan baaxoy bakarroytah tanihiyya ruffu axcele. Lee sinniih qayso sinni bacarih tan baaxo agda akkele. Birro kulli ikkel aabukeleeh, wir axcele.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 41:19

Bacarih tan baaxol *sariddo kee tikibleey cebakaay madeeraay wagar kee saagan aysubukeyyo; kaxxa cooxuy iraawo yeceehiyya aysubukeyyo.

Yasaqya 43:21

Ta mara anu inni caagidih gine. Yi fayla abu waa mara yakkeeni'gidih, ken gine» iyyah yan.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Yasaqya 54:10

Qaleeli bututtukka 'yaah, koomaami suge wayteh innah gactaamah, koh liyo kacni way mabaya. Amaanah koo xiiniseyyoomuh xagana koh cula» 'yaanam kok iyya. Tamah kok intam, YALLAY koh nacruurahiyya.

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 60:13

Yi qariy taahirik yanit qax-maqaane haana'gidiiy too qari elle yan magaalah migaq fayya haana'gidih, Lubnaan rasuk nabam meqe coox koh baahelon.

Yasaqya 60:17

«Nacaas aftok, dahab koh baaheyyo; biriita kee bocoh aftok, lakqo kee nacaas koh baaheyyo. Xeet aftok, biriita koh baaheyyo. Ku addal xintoh abbobtih yan mari ahak wadir kot maxukkuta. Qadaalat kee amaanah koo xiinisa mara ken abeyyo.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Yasaqya 63:12

YALLI dumah isi gabay nabna kee qande let Muusâ-gabat mangom absiiseh, ken foocal baye sinni migaq akah geya'nnah, bad namma ikkel kure'mmay, a saaku usuk mankel yan?

Yasaqya 63:14

Saq qayso le ikke elle beyan innal, YALLIH *Roocaaniyya isi mara elle yaffoofen ikke beyte. Tonnal, YALLAW, isi marak foocat gacca 'teh beyak isi migaaqat nabna hayte.

Yasaqya 7:11

Too farmol YALLI iyyeemih, «Qaran takkuu, akeeral takku, tuk teenah asta koo aybulleem keh yok esser 'yaanam YALLAY ku Dageltah yanihiyya kok iyyah yani kaak inxic» iyye.

Yasaqya 7:19

Too waqdi yakkeenimik goloh addaay gabloolih addaay coox guba kee, tonnah kaadu, qayso le aroocal mododelon.

Yasaqya 7:24

Ummatta wokke gayse kee gaysê-baxa luk alluwwah admoh gexele. Inkih tan baaxo eqeb kee sibaasibik amaggele.

Ermiyaas 13:11

Saro xagarat sartanah elle haan gurral, anu Israayil kee Yuudâ-mara innim abeeh, innil ken xayyooseh suge. Ken akah abem, yi migaq xagak yoo yassakaxxeenih faylisaana'gidi. Takkay immay oson woo mara makkinnoonuuy, yi yaabat maqal mahaysitinnon› 'yaanam yok iyye» iyye.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Ermiyaas 50:5

Siyoonuh gacan gita esserak, too gita keenih yascassoonu waan waqdi, too gita fanah afkunelon. Too waqdi yi mari, ‹Nee kee YALLI fanal, way bayu waa bica heenno› sittak axcelon.

Yacedkel 28:24

YALLI iyyeemihii, «Faxe baaxooxay dariifal geytimma 'taah, ken bursutak sugtehiyya tahak wadir Israayil ummatal ada matakka. Too waqdi YALLAY Mulki lehiyya kinniyom aaxigelon.»

Miika 7:4

Ken kaxxa mari foyyaay, baaxok bagul yooboke waaqeexik mayaysa. Yalli ummatah dumal elle ken nabuwway ken dacrisak sugteh kabuk keenih elle warse innal, ken edde digaalu waa ayro temeeteh. Too waqdi baditit sugelon.

Zakariyya 1:8

Numuy qasa farasih amot yani uble. Kaa elle ublem, goloh addal cebak-cooxih fanak ten. Kaak salafak qasa faroosaa kee burraacin faroosa kee qado faroosa soolah uble.