Yasaqya 54:9 - NABUWWA KEE MALIKWA

⁹ YALLI kaadu kok iyyaamah, «Anu Nuuc dabaanal ‹Tahak wadiril baaxo weeqat mabaysa› 'yaanam axcuk xagana culeh suge. Away kaadu ahak wadir kot mabagcarritaay koo masahita» 'yaanam axcuk xagana koh cula.

Yasaqya 54:9 ပူးပေါင်းရင်းမြစ်များ

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 49:18

Dariifa isinnik wagga haay takkem ubulay! Xaylo siinik elle sugte baaxok taduurem matablaana? Inni migaaqay waarahiyyal xiibitaah, sin xaylo bilqa siinih akkeleeh, qaxah bilqitte qibnah innah gacetton.

Yasaqya 51:22

Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Yasaqya 51:6

Qaran wagga haay, baaxo kaadu lilla haay. Qaran qerti innah bayele; baaxo, udurrutte saroh innah, ambaxele. Tet bagul yan mari kaaqay innah ambaxele. Takkay immay anu baaha wadi waarele; yi qadaalat daayiman anele.

Yasaqya 51:8

Macaay inteenik, toh siinik aba mari irimbi tokme saroh gideey, addak yonkomme mara. Yok geytoonu waytan wadi mayambaxaay, waara wadu; yok geytoonu waytan qadaalat, daayiman yan qadaalata» 'yaanam iyye.

Yasaqya 62:8

YALLI kaxxa xagana cule; woo xagna isi qandet duudusele. Iyyeemih: «Ahak wadir isin tubquren daro naqboytit-gadda siinik matakka. Allî-baaxoh-mari sin kamriy qinabak bicisseeni mayaaquba.

Ermiyaas 31:37

Qagseh iyyeemih, «Qaran yamittiroonu duudaanaa? Maduudan. Baaxo edde taade buxux goranal maay geyan? Mageyan. Hay tonnal, Israayil mari faxem abaamah, ken cineyyo 'yaanam too gideey; takkem hinna. Tahat yabtam yoo YALLA» 'yaanam iyye.

Yacedkel 16:42

Tohuk lakal abah an bagcarrat xabbacooweyyooh; aysinu cabeyyooh; sahha axceyyo.

Yacedkel 39:20

Anu siinih xayyoosa maaqok faras takku, faras amot gexa marih cado takku, qaskar takku, wohuk kalah tan labhay qeebi abtahiyyah cado takku, dudda haanaah gide akak akmetton. Tahat yabtam yoo YALLAY Mulki lehiyya› 'yaanam keenik inxic» iyye.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.