Yasaqya 54:6 - NABUWWA KEE MALIKWA

⁶ Qunxih digibte barray baqli cabeeh bagi akak ankayeh bis luk sugte'mmay, YALLI koh seeceh isil koo gacse. Ku Dagelti kok iyyaamah:

Yasaqya 54:6 ပူးပေါင်းရင်းမြစ်များ

Yasaqya 62:4

Ahak wadir maaqilen magaala kok m'iyyan; ku rasuk abuuruh raaqe rasu 'yaanam m'iyyan. Ku migaq «Yalli ruffu akak iyya magaala» deqsitele; ku rasih migaq «Meqe rihimih rihimte barra» deqsitele. Macaay intek, YALLI isih baqli bis koh aallele.

Ermiyaas 30:17

Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.

Hosiqa 2:19

Israayil ummatey, num barral akah rihima'nnah, anu innih sin haysiteyyo. Cakki kee qadaalatat sin xiiniseyyo. Ahaysa kulli way kacanu kee xuwaawat sin xiiniseyyo.

Malaaki 2:14

‹Macah nek cinah?› intan. Hay anu siinih warisu waa. Isin furrayniinol elle digibten agabuy sin kacnoytiitih yanihiyya cabba hayteenih, ken lih luk sugten Yalla-kee-xagana makteeniih; YALLI abtan sadgat siinik akah cinam tohu.