Yasaqya 54:3 - NABUWWA KEE MALIKWA

³ Macaay intek, atu woo exxak a exxal guubuh elle gacta baaxo aymagguk aymaggetto. A saaku baadal tan ummatta elle tan baaxo, ku mari raaqisele. A saaku abuuruh tan magaaloolil, kok radu waa mari amaggele.

Yasaqya 54:3 ပူးပေါင်းရင်းမြစ်များ

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 14:2

Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Yasaqya 26:15

Ni baaxo kaxxa rasuh hayte; YALLAW, tet kaxxa rasuh hayte. Baaxo dumak baguh teymeggeh. YALLAW, atu litoh tan nabna, baadal doolatwa takkeemik, aaxaguk maacisele, YALLAW.

Yasaqya 45:14

YALLI iyyamaa: Yi ummatey, Masri kee Kuus mari le duyye sinim abeyyo. Saabah maray lafa xeerihiyya siinil amaateleeh, sin mara akkele. Silsilatat axawah anuk, sin kataateloonuuh, assakaxxiyyah amo qunuunussa heenih, ‹Yalli sin qaxat yanim nableh naniih, kaak sah yalli mayana› 'yaanam axcelon» iyyah yan.

Yasaqya 48:19

Ramad siinik mangah baddi afih qiddeh gide akkuk yen. Migaq siinik baye maraarinnaay, baye haak mananniyo» iyye.

Yasaqya 49:12

Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.

Yasaqya 49:8

YALLI iyyamaa, «Innih faxe waktit koo oggoleyyo. Edde cateh meqe waktit kaadu koo cateyyo. Koo dacriseyyooh, amo kok wagteyyooh, ummat lih qahdi ku kabuuk heeyyo. A saaku abuuruk yan rasul ahak sarra sinam nookisetto.

Yasaqya 52:9

YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 53:10

YALLI tahak annah iyye; «A biyak kaat akah yekkem, yi fayxi kee yi raabiti. Usuk sahdah yekke fida, ummatah qafu baahele. Kaak radu waa mara ableleh; waarele, mangom sugele. Anu faxaah abam faxam, kay gabat bicseh abeyyo.

Yasaqya 55:5

Wagitey! Israayil doore Dageltay kudduusuk yanihiyya migaq kee nabna kum abeemih sabbatah, koo aaxaguk suge wee marah koo fan edde yamaateeni'gidih amri ruubettooh; too mari koo fan arduk amaatele. Tamah abtu waytam, yoo YALLAY ku Dagelta kinnihiyya» iyye.

Daaniyel 7:27

Addunyal enna 'ya marih xintoh qande kee nabna, Yallay inkih daga raaqahiyyah ummattah aceelon. Ken daadarinni, ambaxe sinniih waara daadarinna. Xintoh abbobtiy a addunyah bagul enna 'tahiyya inkih ken akdumelon, amri keenik oggolelon› yok iyye.