Yasaqya 54:17 - NABUWWA KEE MALIKWA

¹⁷ Tonna'mmay faxe silac kol baahu waam mali. Koo akah istikiyya hannaanimil, gacissu waytam geetto. Inni naqoosah acayu waam, tamah teeti. Anu keenih acee cakkik tanim, tamah teeti» 'yaanam iyya. Tamah YALLI iyyaama.

Yasaqya 54:17 ပူးပေါင်းရင်းမြစ်များ

Yasaqya 17:12

Ankacisey! Baadal tan ummatta, badal sabo raddaah bad haffita waqdi elle xongola'nnal, xongolta.

Yasaqya 26:2

Numma le mari cula'gidih tet gasoh afa faka, ummatey. Imaan le mari akak cula'gid tet gasoh afa faka, ummatey. Kibaal Yallal digga le mari cula'gid gasoh afa faka.

Yasaqya 29:8

Satqite numuy soonot maaqok cayyehiyyah bis le. Woo num xiinik ugta waqdi, woo cayi edde abem soonok sugta. Bakaarite numuy soonot leek cayyehiyyah bis le. Woo num woo xiinik uguta waqdi, woo bakaarat edde suga. Mango maray mango baaxok yemeeteh Siyon-qalet qeebi abu waahiyyat, takku waytam tamaha.

Yasaqya 3:10

Cakki bagul yan marak, «Kullim siinil amqele» inxica. Akah taamiteenim geeloonuuh, ruffu edde axcelon.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Yasaqya 41:11

«Sin niqba mari nasri wayya heeh, wacarriy ken abbixelem digga. Sin biyaakah ugte mari bayeleeh suge weeh innah gacele.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 50:8

Anu Yalla xaqut liyooh; umaamat ase wee numuy qellat baahe wee kinniyom, Yalli isih yok aybulleele. Tu yok waytam sugay iyya? Yok tu waytah, tastikiyem, maa maraay? Talliilem iyyaay? Wayto yok waa mari yenek, nee beyoonay cokmi-buxah.

Yasaqya 50:9

YALLAY Mulki le yoo cata; yi qaxat yan yi Dagelta. Qellat yol num way mageya. Yok tu waa mari yakkeemiik, bayele, finqah gexele. Irimbite gorrih innah, gorritelon, foyya akkelon.

Yasaqya 51:5

Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Yasaqya 54:15

Qeebi kot abu waa mari yi amrik kot abem madeqsita; qeebi kot abu waa mari ku gubah gacele.

Yasaqya 54:16

Gabâ-birta bicsa mara tuklukem yoo; silaacat sinam qidda qaskar gintem yoo.

Yasaqya 58:14

Toh abteenik, yooy YALLA kinnihiyyat rufto geetton. Baadal bohoy sinni mara sin abeyyo. Sin kaxxa abba Yaqkuubuh xagana akah culem inkih siinih aceeyyo. Tah siinik intam yoo YALLA» 'yaanam iyye.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Ermiyaas 23:6

Kay dabaanal Yuudâ-mari waddiimeleeh, Israayil-mari amaanah xiinele. Too malikiy yamaatu waahiyya migaaqah, ‹YALLAY Cakki neh Yekke› deqsitele» iyye.

Daaniyel 3:26

Sarrak Nabkadnessar urta muufek afah amma 'yeh iyyeemih, «Sadrakow! Meesakow! Qabednagow! Yallay kulliimik daga raaqahiyyah naqoosay eweqay!» keenik iyye. Oson too waqdi xayuk yewqen.

Daaniyel 6:20

Tokke yemeete waqdi meysitak Daaniyelih seeceh, «Daaniyelow, waara Yallih naqasow, atu baguuk taqbude Yallay ku Dagelta kinnihiyya lubookak koo catee?» kaak iyye.

Yoosuwa 24:10

Takkay immay woo numuk, a marat abta abaaro kok moggola exceeh; too waqdi Balqam dooqa siinih abe. Tonna-leemiik Baalakak anu innih sin cate.

1 Samuwel 23:17

Yi abba tu kol mabaahak, mameysitin. Yi abba Israayil-malik takku waytam koo kinnim yeexegeeh, anu reedah ku gubal gacu waam yismiteh yanik» kaak iyye.