Yasaqya 54:10 - NABUWWA KEE MALIKWA

¹⁰ Qaleeli bututtukka 'yaah, koomaami suge wayteh innah gactaamah, koh liyo kacni way mabaya. Amaanah koo xiiniseyyoomuh xagana koh cula» 'yaanam kok iyya. Tamah kok intam, YALLAY koh nacruurahiyya.

Yasaqya 54:10 ပူးပေါင်းရင်းမြစ်များ

2 Samuwel 23:5

Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 49:15

YALLI iyyamaa: «Ina isi anguk yaaxe baxa maay hawwenta? Is isi baguk xalte baxa maay akcine wayta? Ina isi baxa hawwentam takkeh, immay anu sin mahawweena.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Yasaqya 55:12

Naqoosinnak wallitak gexettoonum kaadu taaxigeenim meqe; amaanah awqetton. Qaleela kee koomaami sin foocal farcih gad abeleeh, coox kaadu farcih qililisele.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Yasaqya 63:7

YALLIH kacanuy amurruqe waat walalu waa. YALLI neh abeemiy fayla kaa akah taguude warseyyo. Israayil ummattah kaxxa maqaane abe. Toh akah abem, isi racmatta kee amurruqe sinni kacanih sabbata.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Ermiyaas 31:36

YALLI, «A addunya tanim fanah Israayil mari yi garil doolatah anele. Yi intit doolatah anele» iyye.

Ermiyaas 33:20

«Bar kee laqo keenih eexege waktil akah yamaaten innah, qahdi ken lih heeh an. Too qahdiy bar kee laqoh heehiyya, baya qahdi hinna.

Yacedkel 16:42

Tohuk lakal abah an bagcarrat xabbacooweyyooh; aysinu cabeyyooh; sahha axceyyo.

Yacedkel 34:25

Ken amo amaanah akah xinta'nnah, inni kee ken fanal xagana haysiteyyo. Ken baaxol enna 'ta alluwwa bayseyyo. Tonnal yi illi inkih meysi maleh bacarih tan baaxo kee garboh addal amaanah xiineleh dacrele» iyye.

Malaaki 2:5

«Leewik rade mari yoo yassakaxxeeni'gidih, ken kee yi fanal yan qahdil meqe mano kee amaan keenih aceeyyoomuh qahdi keenih cule. Tohumuu, qahdi keenih akah culem keenih eceeh. Oson kaadu woo saaku yoo aynabukuuy yok meysitak yenen.