Yasaqya 54:1 - NABUWWA KEE MALIKWA

¹ Maxalaytoh tan barray, qililisay wallit. Ahak wadir baqala le barra xalta xaylok fuli, dibuk ten barra xaylo luk sugeleemih sabbatah, atu way dabbaqaane wayte barray, anay fayya haay qililis!

Yasaqya 54:1 ပူးပေါင်းရင်းမြစ်များ

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 24:14

Woo saaku rabak raaqe mari africeleeh qililisele. Ayrô-culma le kabul yan mari YALLIH misliinot yaabelon.

Yasaqya 44:23

YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Yasaqya 49:19

Baaxo siinik sinam sinni abuuruk sugte. Takkay immay ahak wadir, akkel dabaaqah gacam faxa mari faxo teetil mageya. Sin yiggileeh abur sin abe mari siinik axxeerele.

Yasaqya 49:20

Sin maray xaleena seewah elle been baaxol yoobokehiyya a baaxo yaduure saaku, mangak gexxaamah, ‹A baaxo dabaaqah nee tabbixeh matanak, baaxo neh osisa› 'yaanam ken axcih aabbetton.

Yasaqya 62:4

Ahak wadir maaqilen magaala kok m'iyyan; ku rasuk abuuruh raaqe rasu 'yaanam m'iyyan. Ku migaq «Yalli ruffu akak iyya magaala» deqsitele; ku rasih migaq «Meqe rihimih rihimte barra» deqsitele. Macaay intek, YALLI isih baqli bis koh aallele.

Yasaqya 66:7

YALLI iyyaamah, «Yi magaala, lacaw sinnim garciik baxa xalta barrah gide. Annah tanim akkih yubleeh yoobbe num maay yan? Doolat inki ayroh addat tekke saaku maay le? Takkay immay Siyon-magaala lacaw sinni xaylo xalte.

Xafanya 3:14

Israayiley, qililisay; tet ummatey, ruffa 'xica. *Yarsalaam magaalah maraw, baguuy afqadok wallita.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.

1 Samuwel 2:5

Duma cayit suge mari qululut yanih, a saaku maaqô-goranah marin taamat taqabit yanin. Qululut suge mari qulul cabeh. Maxalaytoh sugte barra malciin xalteh; mango xaylo luk sugte barra foyyah raqte.