Yasaqya 53:5 - NABUWWA KEE MALIKWA

⁵ Nanu bahneh sugne dambih, kaa mudeeniih, kaa tafqeenih; bahne qellat kee ni umaaneh, ugra kaat abak, kaa qiden. Kay nabsit tekke digaalah, amaan kee wagari geyne. Kay xagarat aben atkah, sahhilowneh qaffonneh nen.

Yasaqya 53:5 ပူးပေါင်းရင်းမြစ်များ

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Yasaqya 57:18

Ken taama ableh immay, innih ken uruseyyo. Innih ken miraaciseyyooh ken cateyyo. Rookat yan marat niya heeyyooh, yok iyyaanam ken afat heeyyo. Xer ikke kee xayi ikkel yan marah inkih, kaxxa amaan aceeyyo. Inni mara innih uruseyyo» 'yaanam iyya YALLI.

Yasaqya 6:7

Too waqdi woo urta xibcintot sokto yok xagga heeh, iyyeemih, «Taway taham sokto kok xagteeh; tahak wadir edde sugte umaane kok katteeh; abte dambik qafu geyteh» yok iyye.

Daaniyel 9:24

Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.