Yasaqya 52:8 - NABUWWA KEE MALIKWA

⁸ Magaalak gasoh afa dacrisa mari xongolo fayya haak ruftoh saxxaq aban. Macaay inteenik, YALLI Siyon fan yaduurem isinni intit yableenih yanin.

Yasaqya 52:8 ပူးပေါင်းရင်းမြစ်များ

Yasaqya 24:14

Woo saaku rabak raaqe mari africeleeh qililisele. Ayrô-culma le kabul yan mari YALLIH misliinot yaabelon.

Yasaqya 26:1

Too saaku Yuudâ-rasul qadar abelon. Qadarah iyyoonu waanamaa, «Ni magaala qandeey maqar le; Yalli isih maro teetit heeh yan; tet wada'gidih maro edde hee; is Yallih dacayri geyteh tan.

Yasaqya 27:2

Too ayro, meqe qinab xalta caxah qadar aba. Qadarah intoonu waytaanamaa:

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 40:9

*Yarsalaamah warsa numow, meqe xaagu teetih waris. Fayya le qale fan gexay, amol bukka akak inxicay, ta xaaguy ayti doogisa, warisay, awadah inxic. Siyoonuh, anay fayya haay, a xaaguy ayti doogisa, teetih waris; awadah 'cuy. Fayya hay, anay fayya haay, teetik 'xicay, mameysitin. Yuudâ-magaaloolih marak, «Sin Goyti yamaateh» inxic.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 56:10

Israayilit dacayrih yan mari inkih, inti-maleelaay iggimaleela. Oson dacayrih buxat yan kutay tu yableemih kaaye waahiyyah gide. Deerih gacca 'yeenih xiinan. A mari manxu xin kicna. Soonitaanamak sa abaanam malon.

Yasaqya 58:1

YALLI iyyaamah, «Anay fayya haay! Baantah innah kaayey! Yaqkuubuk rade maray yi mara kinnihiyyak, ‹Yalla cinteenih dambit assen› inxic.

Yasaqya 62:6

Yarusalaamey, ku gasoh afal koo dacrissa mara koh hee. Oson bar kee laqoh tibba m'iyyan. YALLI cule xagana YALLA kassisa maraw, aadayi mahaytaanay YALLI Yarusalaam daabissa haah addunyal faylisan magaala tet abam fanah aadayi kaa mahaytan.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Ermiyaas 32:39

Inkih, inkim edde aboonu waan kas keenit heeyyo. Toh macaay intek, isinni kee isinni xayloh taagah, kulli way dibuk yoo edde yaqbudoonu waan afqado keenit heeyyo.

Ermiyaas 33:11

sahda qililo elle abah aabbetton. Digibih sinam elle digirah abletton. Anu keenih abe maqaaneh candu gacsaana'gidih, yi Qibaadah-Qari sadgat baaha mara abletton. Sadgat baahan waqdi, yi Qibaadah-Qarih addal, ‹Ummatey, YALLAY Nabaamak Nabahiyya faylisa! YALLI maqaane le Dageltak, candu kaah gacisa! YALLIH kacni mayambaxak, tohul candu kaah gacisa› 'yaanam axcuk, candu yoh gacselon. Ken baaxo fanah ken gacissaay gaddaloola ken abba heemih candu yoh gacselon. Tahat yabtam yoo YALLA» 'yaanam iyye.

Ermiyaas 33:7

Israayil kee Yuudah yooboke mara, seewah ken been baaxok, ken baaxo ken gacseyyooh, duma akah suggu 'yen mara ken abeyyo.

Ermiyaas 6:17

YALLI iyyemii, «Dacayrih sinam siinit hee. Too mari, ‹*Baanta yaagaru waa mara ankacisa› siinik iyyen. Takkay immay yaaguren baantah anay aabbih maqal edde mahannitoonuuy, ‹Aleeyyah mankacisna› inten.

Yacedkel 3:17

«Bani-adantow, kok axceemih, Israayil marat dacayri hayu waam koo. Anu kok excem keenih warisaay, garci keenih kal.

Yacedkel 33:7

«Hay ta way, bani-adantow, kok axceemih: Israayil marat dacayri hayu waam koo. Anu kok excem keenih warisaay garci keenih kal.

Xafanya 3:9

«Tohuk wadir baadal tan ummatak afkan korseyyo. Deedaltaamay yalla axcuk yaqbudeenihiyya cabba heenih yol aduureloonuuh, yoo dibuk aqbudelon. Dooqa aban way, ‹YALLAW› axcuk yoo kallacelon. Tikka 'yaanamaak yi amri oggolelon.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.