Yasaqya 52:7 - NABUWWA KEE MALIKWA

⁷ Farmô-numuy qaleelak taturra 'yeh wagari xaaguy meqehiyya gabat lehiyya tableenim manxu meqeeh; too num waddiimaanam sinaamah warsaah, Siyon marak iyyaamah, «Sin Dagelti maliki» keenik iyya.

Yasaqya 52:7 ပူးပေါင်းရင်းမြစ်များ

Yasaqya 24:23

Sarra, YALLAY Nabaamak Nabahiyya reedele. Tohuk gexxaamah alsa kee ayrô-diifi amballayuk maraaqa. Too saaku YALLAY Nabaamak Nabahiyya Yarusalaam magaalal Siyon-qalel reedele. Yarusalaamal sugtu wayta makaabon too saaku kay nabna ablelon.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 40:9

*Yarsalaamah warsa numow, meqe xaagu teetih waris. Fayya le qale fan gexay, amol bukka akak inxicay, ta xaaguy ayti doogisa, warisay, awadah inxic. Siyoonuh, anay fayya haay, a xaaguy ayti doogisa, teetih waris; awadah 'cuy. Fayya hay, anay fayya haay, teetik 'xicay, mameysitin. Yuudâ-magaaloolih marak, «Sin Goyti yamaateh» inxic.

Yasaqya 41:27

Ta xaagu naharal warissem yoo YALLAK ten. Siyon-marah ‹Tah akkelem› warse. Yarusalaam fanah meqe xaagu le farmoyta ruubeyyo.

Yasaqya 42:11

Bacari kee bacarih tan baaxol tan magaaloolih maraw, YALLA faylisa. Keedarah yooboke mari YALLA faylisaama. Silaq deqsitta magaalal yan mari qililisak kaa faylisay; qaleelah amol gacca 'yeenih kaa faylisoonay.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Naacum 1:15

Naacum iyyeemih, «Wagitaay woo qaleelah kabuk, meqe xaagu gabat le farmoyti yamaateh yan! Wagari geytimem yaysaabbem faxa. Yuudâ-maraw, ifricay qiidih asaay, Yallah culten nadri ucuya. Sin naqboytiitiy umeynitih sugehiyya yembexeeh; ahaysa sin baaxo siinik beytam matana; ken inkitanuuk bayseh ikkal» iyye.

Naacum 2:1

Nanawê-maraw, sin bayissu wayta qande temeeteh, marot sin tabbixe. Tonna'mmay ahaysa dacayrih yan mari magaalâ gasoosak gacaay; magaala akak culan gita dacrisay. Qaskarah inkih seecaay qeebih gulguluh gaca.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.