Yasaqya 52:1 - NABUWWA KEE MALIKWA

¹ Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 52:1 ပူးပေါင်းရင်းမြစ်များ

1 Aydaad 16:29

YALLIH-migaaqay nabna let yaaba. Sadgat baahay, YALLIH-qarih ama. Kudduusuk yan YALLI yambullee way, kaa essekexxeyay gommoh kaah rada.

Nacmiya 11:1

Abbobtih yan mari Yarusalaamal nooke. Too saaku, tabna numih addak inki numuy taahirik tan Yarusalaam magaalal dabaaqah gacu waahiyyah saami caxxa qiden. Wohuk raqqa 'ye mari elle suggu 'ye magaaloolil elle raaqe.

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 1:26

Duma luk sugten abbobti kee makaabonuh bis le mara sin addal heeyyo. Tonnal Yarusalaam magaala cakki leeh, imaan Yallal le magaala akkele» iyyah yan.

Yasaqya 26:2

Numma le mari cula'gidih tet gasoh afa faka, ummatey. Imaan le mari akak cula'gid tet gasoh afa faka, ummatey. Kibaal Yallal digga le mari cula'gid gasoh afa faka.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 4:3

Too wakti baatik saaboh raaqe maray Yarusalaamal yani, taahirik yan mara akkele. Too maray Yalli Yarusalaamal raaqaana'gidih doore, migooqa akak tunkuttube mara.

Yasaqya 48:2

Tonna'mmay afak, ‹*Kudduusuk tan magaalah mara kinnino› 'yaanamat kaxxam takkalen. ‹Yalli nek, Israayil doore Dageltaay; kay migaq YALLAY Nabaamak Nabahiyya. Kibaal kaal lino› 'yaanam intan. Away siinik axcem ankacisay yok oobbeya.

Yasaqya 49:18

Dariifa isinnik wagga haay takkem ubulay! Xaylo siinik elle sugte baaxok taduurem matablaana? Inni migaaqay waarahiyyal xiibitaah, sin xaylo bilqa siinih akkeleeh, qaxah bilqitte qibnah innah gacetton.

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 51:9

YALLAW, ugutay ku qandet nee catey. Ku gabal nee catey. Dumî dabaanal akah abte innah ab. Racab deqsita kaxxa alay baddi addal geytimahiyya rike rikeh kurtem koo.

Yasaqya 60:1

Yarusalaamey, ifi kol ifseemih sabbatah ugutey ayroh innah ifey; YALLIH nabna kol ifta.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Yasaqya 64:10

Ku magaalooliy taahirik tenehiyya Siyon agantah haanah raqte. Yarusalaam sahda elle deedalta abur tekke.

Ermiyaas 31:23

Kaadu YALLAY Nabaamak Nabah, Israayil doore Dagelta kinnihiyya yok iyyeemih: «A mara seewah elle abbaxuk sugen baaxok gacisu waa saaku, Yuudâ-rasu kee Yuudâ-magaaloolil yan mari ah ablele. Too waqdi, ‹Siyon-qaley taahirik tanit YALLI barkat haay. Cakkik-tan-maqaane le Dagelta elle yan aracat YALLI barkat haay› 'yaanam dooqah axcelon.

Yacedkel 44:9

Tohuk gexxaamah, yoo YALLAY Mulki lehiyya sin aysixxigeemih: faxe allî-baaxoh maray solot sinni takkuu, yi yab cina mara takku, yi Qibaadah-Qari cule waanama. Tonnal yan allî-baaxol maray Israayil marih addal yanihiyya kinni-way cule waama» iyye.

Daaniyel 10:9

Kay anay oobbe waqdi, baaxok bagul afah radeeh inni kasat maraaqiyyo.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Naacum 1:15

Naacum iyyeemih, «Wagitaay woo qaleelah kabuk, meqe xaagu gabat le farmoyti yamaateh yan! Wagari geytimem yaysaabbem faxa. Yuudâ-maraw, ifricay qiidih asaay, Yallah culten nadri ucuya. Sin naqboytiitiy umeynitih sugehiyya yembexeeh; ahaysa sin baaxo siinik beytam matana; ken inkitanuuk bayseh ikkal» iyye.

Caggay 2:4

Taway ugutay xisne qimbisa. Niya siinik rade waytay. Wakalih anu sin lih anik, xiso qimbisa.

Zakariyya 3:4

Sarra woo malaykatti woo waqdi foocal kaak soolak sugte malaykak iyyeemih, «A num edde yan wasak le sara kaak kala» iyye. Yoosuwak kaadu iyyeemih, «Luk sugte dambi kok kaleeh, edde gactu wayta qusba saroy saytuni koh aceeyyo» kaak iyye.