Yasaqya 51:5 - NABUWWA KEE MALIKWA

⁵ Xayuk keenih amaateyyooh ken wadeyyo. Inni gabat qadaalat keenih baaheyyo. Allî-baaxoh mari niya yol haak sugele; yi gaba qambaalat sugelon.

Yasaqya 51:5 ပူးပေါင်းရင်းမြစ်များ

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 24:15

Tonna leemiik ayrô-mawqa le kabul yan marak, isin YALLIH nabnat yaaba. Baddi-xaqul yan marak, YALLIH migaq essekexxeya. YALLAY Israayil doore Dagelta kinnihiyya essekexxeya.

Yasaqya 26:4

YALLIH dacayri daayiman tan; daayiman amo nek wagtele. Kulli waqdi YALLA naaminay, YALLAL eemena; kibaal kaal haa.

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 40:10

«YALLAY Mulki le yamaateh, baaxo isi caylat xiinisuh, mamaatat yan, yamaateh yan; isi galto luk yamaate. Isi-ummatay isih wade, gabat baahak, yamaateh yan.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 54:17

Tonna'mmay faxe silac kol baahu waam mali. Koo akah istikiyya hannaanimil, gacissu waytam geetto. Inni naqoosah acayu waam, tamah teeti. Anu keenih acee cakkik tanim, tamah teeti» 'yaanam iyya. Tamah YALLI iyyaama.

Yasaqya 56:1

YALLI iyyaamah, «Yi qadaalat elle yan inna tabloonu waytaanah, sin edde catu waa wakti xayiimih sabbatah, qadaalatat taamitaay cakkik tanim aba.

Yasaqya 59:16

Tohuk ken cata num ane waam yuble waqdi, kaal faxe-waynaan tekke. Tonna leemiik isi-qadaalatay maqar let, YALLI isi gabat ken wade.

Yasaqya 60:9

Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Yasaqya 62:11

Macaay inteenik, YALLI baadal tan ummatak inkih iyyeemih; «Siyoonuk, ‹Ubuley, koo wadu waa num yamaateh yan› inxica. ‹Isi galto luk yamaate. Isi-ummatay isih wade, gabat luk yamaateh yan› 'yaanam axcuk teetik inxica» iyye.

Yasaqya 63:5

Wagteh immay, ahamal yoo cata mari ane waam uble waqdi, yol hagga tekke. Tonna leemiik yi naqbi maqar yot heeh, inni gabat iisa innih orbise.

Ayyuqel 3:12

YALLI iyyeemih, «Baaxooxal yan mari inkih bical gacay. YALLIH Cokmih-Daqar fan yamaatoonay. Tokkel yooy YALLAH yani daffa exceh dariifal enna ta baaxooxah maral cokmi abeyyo.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

1 Samuwel 2:10

YALLI isi naqboytit foyyisele; Kulliimik daga raaqa Dagelti qaraanak keenit kaayele. YALLI inkih tan addunyal ackumele. Isi malikit qande heeleeh; isih doore malikih nasri aceele» 'yaanam inte.