Yasaqya 51:4 - NABUWWA KEE MALIKWA

⁴ «Yi ummatey, yoo ankacisa; yi maraw, anu axcem oobbeya. Ummattah inni xinto warseh an; yi cakki baadal tan ummattah ifu akkele.

Yasaqya 51:4 ပူးပေါင်းရင်းမြစ်များ

Yasaqya 1:27

Yalli qadli kee cakki leemih sabbatah, Yarusalaam kee tet addal yan maray toobite waddiimele.

Yasaqya 2:3

Mango baaxol yan mari too saaku iyyu waamah, «Qibaadâ-Qari elle yan YALLIH-Qale fan nee beya» tittak axcelon. «Israayil ummat doore Dageltih-Qibaadah-Qari elle yan arac nawaqu wayna. Yalli tokkel isih faxem nee barsele. Usuk faxe gitat gexenno» 'yaanam axcelon. YALLIH-baritto elle tanim, Yarusalaam magaalaay; Siyon qalek isi ummat lih yaaba.

Yasaqya 26:2

Numma le mari cula'gidih tet gasoh afa faka, ummatey. Imaan le mari akak cula'gid tet gasoh afa faka, ummatey. Kibaal Yallal digga le mari cula'gid gasoh afa faka.

Yasaqya 26:8

Ku gitat genxa waqdi, YALLAW, kibaal elle haynam koo, YALLAW. Amo-elle-meqinom koo, YALLAW. Fanxam ku massakaxxa, YALLAW.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 42:21

YALLI isih leh yan cakkik gexxaamah, isi baritto kaxxa barittoy nabna lehiyya abeeh; toh kaa ruffa hayte.

Yasaqya 42:6

Yoo YALLA koh sectam; kooy yi naqasuh yanihiyyah qadaalatat seecah an. Ko'lih aneyyooh; koo dacriseyyooh; ummat lih qahdi koo le kabuk heeyyo. Baadal tan ummattah ifu koo abeyyo.

Yasaqya 49:6

Tonnal annah yok iyyamaa; «Yi naqasow, Israayilik baatik raaqe marak inkih, luk sugen nabna gacsaanam, ku gabat absiise liyo. Wohuk kalah tayse taamay muxxo leeh giffa lehiyya ku gabat absiise liyo. Baadal inkih tan ummatah ifu kee noori koo abeyyo; Wadoot kee catotta akketto. Toh ku gabat absiiseyyo» yoo doore Dagelti yok iyyah yan.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Miika 4:2

Baadal tan ummat too saaku intu waytaamah: «Qibaadâ-Qari elle yan YALLIH Qale fan nee beya» tittak axcelon. «Israayil ummat doore Dageltih Qari elle yan arac nawaqu wayna. YALLI tokkel isih faxem nee barsele. Usuk faxe gitat gexenno» 'yaanam axcelon. YALLIH baritto elle tanim, Yarusalaam magaalaay; Siyon qalek isi ummat lih yaaba.