Yasaqya 51:23 - NABUWWA KEE MALIKWA

²³ Siinit xukkutak suge mari woo kobbaayak aaqubele. Woo mari, ‹Siinit taqqa inna'gidih baaxô-bagul inaaqita› siinik iyye waqdi, isin guddaafay ibah edde yaaqiteenih inna tekken. Tohih sabbatah, yok naqbi-kubbaayat aaqubelon» 'yaanam iyyah yan.

Yasaqya 51:23 ပူးပေါင်းရင်းမြစ်များ

Qobadya 1:16

«Yuudâ-maraw, isin yi digaalay qeero lehiyya, kamri innah, yi qaley taahirik tanil tooqobeeni'mmay, sin dariifal enna 'ta doolatwa qeeroh tohuk gibdi digaala kamri innah aaqubelon. Yi digaalay qeero le aaqubeloonuuh, bayelon.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Zakariyya 12:2

«Yarusalaam qinabak bicsen kamri abeyyo. Yarusalaam magaalah dariifal tan doolatwah yooboke mari too kamrik aaqubeloonuuh, sakraan innah lagaggaq axcelon. Too mari Yarusalaamat maro hayu waa waqdi, Yuudâ magaaloolik raqqa 'te magaaloolit kaadu maro gacele.

Yoosuwa 10:24

Sarrak Yoosuwa Israayil qaskarah inkih seeceeh, sarrak qaskar abbobtiy kaa'lih gexxeh sugtehiyyak, «Amay a malikwak fillat ibah iqita» iyye. Oson too way fillat keenik taqqa iyyen.