Yasaqya 51:22 - NABUWWA KEE MALIKWA

²² Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Yasaqya 51:22 ပူးပေါင်းရင်းမြစ်များ

Yasaqya 29:9

Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 3:12

Urri yi ummattat xukkutah yanih; agbi ken amol yan. Yi ummatey, sin miraacisa mari sin duquurusah, makot sin beyan.

Yasaqya 3:13

YALLI mackamatal isi aracal gacele. Ummattal cokmi abuh ugtele.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 62:8

YALLI kaxxa xagana cule; woo xagna isi qandet duudusele. Iyyeemih: «Ahak wadir isin tubquren daro naqboytit-gadda siinik matakka. Allî-baaxoh-mari sin kamriy qinabak bicisseeni mayaaquba.

Ermiyaas 25:15

Ermiyaas qagissa heeh iyyeemih, YALLAY Israayil doore Dagelta kinnihiyya, «Ermiyaasow! Ayka, a kobbaaya beyay anu koo elle ruuba maral ucuy. Ama kobbaaya kibuk akak tanim yi naqabu'mmay, tama naqabuk ken afqetto.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Ermiyaas 51:36

Tonnal YALLI Yarusalaam marak iyyemii, «Yarusalaam maraw, siinil baaheenimih adda anu innih wagteyyo. Sin naqboytit siinil bahtem, anu keenil gacseyyo. Baabelon leek raceyna kafseyyo. Ken weeqaytu lee cabsiiseyyo.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.

Qobadya 1:16

«Yuudâ-maraw, isin yi digaalay qeero lehiyya, kamri innah, yi qaley taahirik tanil tooqobeeni'mmay, sin dariifal enna 'ta doolatwa qeeroh tohuk gibdi digaala kamri innah aaqubelon. Yi digaalay qeero le aaqubeloonuuh, bayelon.

Miika 7:9

Dambi lem bahneeh, tohuk gexxaamah YALLI nee yinqibeh. Tonna leemiik ta saaku usuk net aba digaala raabitnam nel tan. Macaay innek, YALLI ellecabol umaanek kalalu neh akkele. Sinam duma nel bahte umaaneh aftok neh amqele. Ditek iful nee ayyaaqele. Nee cateleeh, kay cato geenno.

Zakariyya 12:2

«Yarusalaam qinabak bicsen kamri abeyyo. Yarusalaam magaalah dariifal tan doolatwah yooboke mari too kamrik aaqubeloonuuh, sakraan innah lagaggaq axcelon. Too mari Yarusalaamat maro hayu waa waqdi, Yuudâ magaaloolik raqqa 'te magaaloolit kaadu maro gacele.

1 Samuwel 25:39

Dawud Nabal raba yoobbeeh, too waqdi iyyeemih, «Yooy kay naqasuh yanil ceele waytam baahe numul umam yoo baahe kaleeh yi aftok isih kaa digaale YALLA fayla taafay. Nabal baahe umaaneh YALLI kaa digaaleh» iyye. Tohuk lakal Dawud Abiigal rihimih abita'gidih, isi mara teetil ruube.