Yasaqya 51:20 - NABUWWA KEE MALIKWA

²⁰ Xaylo siinik xagar-boolah kulli gitih addal yannikisseenih, qangalaalat yanin. YALLI keenit aba bagcarrah sabbatah, oflot yibbixen sageerih innah raden.

Yasaqya 51:20 ပူးပေါင်းရင်းမြစ်များ

Yasaqya 29:9

Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 40:30

Qunxaane kee furrayniinol, num taqabelem raq mali. Bar qunxaamah yandufuleh; bar qunxaamah radah immay

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 51:21

Tonna'mmay Yarusalaam maray biyaakat yaniih yiskire marih innah lagaq iyyahiyyaw, oobbeya.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Yasaqya 8:21

Niya akak tiddigilleeh qululte ummatta baaxot meekitele. Qulul ken yabbaxu waa waqdi bagcarriteloonuuh isinni malik kee Yalla xaafelon. Qaran gubaak wagga heeloonuuh

Ermiyaas 14:16

Oson toh akak iyyan mari kaadu, too qulul kee carbit ambaxele. Raysa keenik Yarusalaam magaalah gititteh xaqul qidelon. Lafa keenik yaaguqe mara mageyan. Taham kaadu, keenik kalah, ken agabu kee ken xaylot takku waytaama. Edde yanin umaanek keenih taguude digaala keenit abeyyo» 'yaanam yok iyye.

Ermiyaas 14:18

‹Afah ewqek, qeebit rabe marih raysa able. Magaala gexek, qululuh raba mara able. Nabuwwa kinnino axcuk suge mara kee seeka kabuk kabul gexak isinni taama abaana'mmay, tu mayaaxigan› keenik inxic» yok iyye.

Yacedkel 12:13

Anu too waqdi inni oflo qideyyooh, too oflot kaa abbixeyyo. Tokkeek Baabelon kaa beeloonuuh; tokkel elle yani'kke isik able'kal rabele.

Yacedkel 17:20

Sahdah admoh qidan oflo kaah qideyyooh, too oflot kaa abbixeyyo. Baabelon fan kaa beeyyooh, tokkel kaa digaaleyyo. Toh kaal akah baahu waam, imaan yol heeh masuginna.

Yacedkel 39:19

Ta mara anu sadgatah qidu waa saaku, isin gabul le cadok dudda haytaanam keenik akmetton. Qabalak keenik cayya intaanam fan aaqabuk sugetton.