Yasaqya 51:16 - NABUWWA KEE MALIKWA

¹⁶ Qaran fidisak, baaxo elle solta rakiibo bicisak, Siyon-marak, ‹Isin yi mara kinnitoonu› axcuk, inni farmo afat siinik heeh inni gabat sin dacrise» 'yaanam iyye.

Yasaqya 51:16 ပူးပေါင်းရင်းမြစ်များ

Yasaqya 45:18

Macaay inteenik, YALLAY qaran gineh baaxo kaadu gineh, tet bicseeh tet daabiseeh, foyya tet maabinnay sahda dabaaqah elle gacta arac tet abehiyya isih iyyamaa: «Anu YALLA kinniyo; yok sah yalli mayana.

Yasaqya 48:13

Baad elle soola rakiibo inni gabah bicse. Qaran fidissem yoo; qaran kee baaxoh seeca waqdi, yoo yaabben.

Yasaqya 49:2

Yi-afak yawqe qangor inkih, gileh innah af bahsiise; isi gabat yoo dacrise; arbaqen (samlisen) gaysê-baxi innah, yoo samliseh, af bahsiise; sibah addat yoo dacrise.

Yasaqya 49:8

YALLI iyyamaa, «Innih faxe waktit koo oggoleyyo. Edde cateh meqe waktit kaadu koo cateyyo. Koo dacriseyyooh, amo kok wagteyyooh, ummat lih qahdi ku kabuuk heeyyo. A saaku abuuruk yan rasul ahak sarra sinam nookisetto.

Yasaqya 50:4

Boolaatteemit qande haa'gid, keenik axcem YALLAK barte; YALLAY Mulki le yoo barse. Usuk yoo barsa baritto, kulli maaca ankacisa'gid, xiinik yoo ugusak, yoo barsa.

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Yasaqya 65:17

«Kakka hayisaay, oobbeya! Qusba qaran xisam faxa; qusba baaxo aklukem faxa. Ahak duma tekkeh sugtem makasan; cubbit tet mahan. Ahaysa hawwentimele.

Yasaqya 66:22

«Qusba qaran kee baaxoy away abu waahiyya yi foocal digga luk elle tani'nnal, sin migaq kee siinik radu waa mari yi foocal digga baahele.

Ermiyaas 1:9

Sarrak YALLI gaba yi fanah ruubeeh, feerah sokto yok xage. Too waqdi yok iyyeemih, ‹Edde yabtu wayta yab afat kok haah an.

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Ermiyaas 32:38

Tohuk lakal oson yi mara akkeloonuuh; anu kaadu ken Dagelta akkeyyo.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Zakariyya 8:8

Yarusalaamal ken nookiseyyo. Yi mara akkeloonuuh, anu amo keenik wagta Dagelta keenih akkeyyo. Qadaalat leeh, digga le xintoh ken xiiniseyyo.