Yasaqya 51:15 - NABUWWA KEE MALIKWA

¹⁵ Yoh tu gactek, anu YALLAAY; sin Dagelta kinniyo. Bad abah yan haffoh kaxxa xongoloh xongolissam yoo. Yi migaq YALLAY Nabaamak Nabahiyya.

Yasaqya 51:15 ပူးပေါင်းရင်းမြစ်များ

Nacmiya 9:11

Ku mara badak gude keenih baxisseh, ken teyyeeqe. Bacarih raqte baaxok bagul badak gude ken tabisse. Ken ayradduk suge mara badat qiddeeh, kaxxa badat qiden xaa badat elle suta'nnal, badat ken sutusse.

Yasaqya 47:4

Ni wadeeni, YALLAY Nabaamak Nabahiyyah yaniih, Israayil doore Dageltay *kudduusuk yanihiyyah yan.

Yasaqya 48:2

Tonna'mmay afak, ‹*Kudduusuk tan magaalah mara kinnino› 'yaanamat kaxxam takkalen. ‹Yalli nek, Israayil doore Dageltaay; kay migaq YALLAY Nabaamak Nabahiyya. Kibaal kaal lino› 'yaanam intan. Away siinik axcem ankacisay yok oobbeya.

Yasaqya 51:10

Bad kafisseeh adda xer badak gudek gita teyyeeqem koo. Woh akah abtem, isih waddam faxxa mara badak tabissa'gidi.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Ermiyaas 31:35

Ayro laqo ifissa'gidiiy alsa kee cutuuka bar ifissa'gidih haytem YALLA. Bad sabo baaha'gidih tasgayyem kaa. Kay migaq YALLAY Nabaamak Nabahiyya.

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.