Yasaqya 51:10 - NABUWWA KEE MALIKWA

¹⁰ Bad kafisseeh adda xer badak gudek gita teyyeeqem koo. Woh akah abtem, isih waddam faxxa mara badak tabissa'gidi.

Yasaqya 51:10 ပူးပေါင်းရင်းမြစ်များ

Yasaqya 11:15

YALLI, Qasa badih exxay Masrit xayihiyya bayseleeh; Furaat weeqaytu kafsa'gidih laqin caacay ruubele. Ummatta ibah akak tabta'gidih kaxxam qunxaamak malcina buyyi raaqele.

Yasaqya 11:16

Yalli, isi-marak saaboh raaqe marah, duma Israayilih Masri rasuk akak yawqen gita elle bicse innal, keenih kaadu Assuuriyah rasuk akak yawqen gita bicsele.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 35:9

Lubak kee sahda takme garboh alluwwa woo gitat magexxa. Takkay immay Yalli dambi akah cabe maray wadehiyya too gitat gexele.

Yasaqya 42:15

Qaleela kee koomaami abur abeyyo; caxa kee qayso elle mataabuka. Illaltah sugte baaxo kafseyyo; doritte elle sugte baaxo kafseyyo.

Yasaqya 43:16

Dumî dabaanal YALLI badak gudek gita bicse; haffita badak gita siinih yeyyeeqe.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Miika 7:15

«Masrik nee teyyeeqe saaku akah abte innah, uxih qagabah tanim neh abetto.

Zakariyya 10:11

Kaxxa gibdaabina keenil yakku waa badak adda gacca 'yeenih gexaanam faxan waqdi, yooy YALLAH yani woo badih haffo keenih aatukeyyo. Baddi haffo soolele. Niil weeqaytuy adda le kafinuk cabeyyo. Assuuriyah yooboke mari le kaxxiina ken cabsiiseyyooh, rammita mara ken abeyyo. Masri maray kaxxa qande le, qande cabsiiseyyo.