Yasaqya 50:2 - NABUWWA KEE MALIKWA

² Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 50:2 ပူးပေါင်းရင်းမြစ်များ

2 Aydaad 32:15

Ciskiyyaahu sin duquuruse waay, gitak sin ayyaaqe waay. Kay yab maamanina. Assuuriyah malikih gabak ahaydumah faxe baaxoh yalli sinam macatinna. Tonnah kaadu a sin yalli catoh siinih xiqu waam mali» 'yaanam keenik iyyen.

Yasaqya 11:15

YALLI, Qasa badih exxay Masrit xayihiyya bayseleeh; Furaat weeqaytu kafsa'gidih laqin caacay ruubele. Ummatta ibah akak tabta'gidih kaxxam qunxaamak malcina buyyi raaqele.

Yasaqya 19:5

Niil weeqaytih lee daggooweleeh, weeqayti ayrook ayro daggoowak daggooweleeh, ellecabol kafele.

Yasaqya 23:11

Yalli bad fanah gaba ruube. Inkih tan baaxo meysih axaxxe. YALLI, «Kanqaan baaxol koositih bicsen arooca bayisa» 'yaanamih amri yecee.

Yasaqya 36:20

Ta mari yallah luk yen yallitte, anu a mara ibbixe saaku, keenih xiqtem mali. Hay tonnal, YALLI Yarusalaam catelem mannal siinit celta?» keenik iyye.

Yasaqya 41:28

Yallah lon duyyey xeet kee cooxuk bicseenihiyya tuk teenat yabta'gidih ken wagteh immay tut yabtaamak masuginna. Ken essereemik yol gacseenim matan.

Yasaqya 42:15

Qaleela kee koomaami abur abeyyo; caxa kee qayso elle mataabuka. Illaltah sugte baaxo kafseyyo; doritte elle sugte baaxo kafseyyo.

Yasaqya 43:16

Dumî dabaanal YALLI badak gudek gita bicse; haffita badak gita siinih yeyyeeqe.

Yasaqya 44:27

Afak exce qangarat, bad kee daroori kafsa Dagelta kinniyo.

Yasaqya 51:10

Bad kafisseeh adda xer badak gudek gita teyyeeqem koo. Woh akah abtem, isih waddam faxxa mara badak tabissa'gidi.

Yasaqya 54:6

Qunxih digibte barray baqli cabeeh bagi akak ankayeh bis luk sugte'mmay, YALLI koh seeceh isil koo gacse. Ku Dagelti kok iyyaamah:

Yasaqya 59:1

YALLI ux-gabay sin aleele waytahiyya lem makkalina; catoh kaah sectan waqdi, ayti maliy aabbe waa makkalina.

Yasaqya 59:16

Tohuk ken cata num ane waam yuble waqdi, kaal faxe-waynaan tekke. Tonna leemiik isi-qadaalatay maqar let, YALLI isi gabat ken wade.

Yasaqya 63:13

YALLAY adda le badak gudek ken tabse mankel yan? Too marak-ibi, faras-ibak kaxxih maqar le ibay andufulle waahiyyak ten.

Yasaqya 64:6

Nakkeemik caraamuk yan mara nekke. Abba hayna meqe taama nek inkih, abicih tan saroh innah tan. Abnah nan dambik gexxaamah laqaymumma 'yeh kafe ayyuufay caacayat gexah gidek nan.

Yasaqya 65:12

Sin ellecabo tah teeti: Uma rabay ableh uma rabettoonum raq lem hinna. Sugdi-gadda sin abeyyo; tamah siinil baahu waama. Taham siinil 'kah baahu waam, siinih seeceeh yok cinteeniih sin lih yaabeh aabbe cinten. Yok foocal umaanet assen; yi yab cinteenih uf inten. Anu faxe waa gitittet gexxeenih tohum dooritten» 'yaanam siinik iyye YALLI.

Yasaqya 66:4

Tonna leemiik anu innih ken digaalam dooriteeh, akak meysitaanam keenil oobiseyyo. Macaay inteenik, anu keenih abe seeco yok maabbinnoonuuy, edde yaabe yab yok mankacsinnon. Yi yab cinaanam kee uma-taamat asaanam dooriten» iyyah yan.

Ermiyaas 14:9

Sahda catam elle tigibdiye num nel tekke. Carbi addal boola le qaskariitay sahda catu duude waa nel tekke. YALLAW, ne'lih tanim naaxigeh, nanu ku mara kinninok, darre net macabin» iyyen.

Ermiyaas 35:14

Yonadabak rade mari, ken kaxxa abba keenik aba iyyem abaanaah, ken kaxxa abbah yab uxih yabbixeeniih, baaxot maqidinnon. Hay, isin litoonum macaa? Kulli way sin lih yaaba way, yab yok akah cintaanam macaa?

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 5:1

YALLI iyyeemih: «Ugutay! Yarusalaam magaalak adda wagga haay! Dariifa kaadu isinnik wagga haay! Qadaaga elle takke arooca kaadu cubbusay! Inki numuy yeemeneenih cakkih tanim abahiyya Yarusalaam addal mageytima. Geytimma 'yek, Yarusalaam marah qafu abeyyo.

Ermiyaas 7:13

Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.

Ermiyaas 7:27

Sarra yok iyyeemih, «Atu taway anu kok axcem keenih waris. Takkay immay kok mankacisaanaay; uduura keenik intaamah kok mayaabban.

Ermiyaas 8:6

Intaanam siinik aabbeh immay, nummat mayabtan. Abe umaaneh nadaamita num siinit mayan. «Labhay, umaaneh baahem macaay?» iyyeh essera num siinit mayan. Kulli num siinik qeebi booxa fan xoxbisan farasih innal isi faxa gitat xoxoba.

Daaniyel 3:15

Taway meqek, a gadah yaaguren duyyeh anay taabben waqdi, gommoh raday, ama ceelo uqbuda. Gommoh rade wayteenik, urta muufeh addat sin qideloonu'mmay, yi gabak kalah sin cata yalli mayana» keenik iyye.

Daaniyel 3:29

Hay, taway, anu sin aysixxigeemih: Faxe baaxoh num yakkuu, hinnay faxe nasabak yanuu, hinnay kaadu, faxe afah yaaba num takku, a sidiica numih Dagelta xaafek, iba kee gabal kaa argiqeyyooh buxa kaak abuuruh cabeyyo. Ken Dageltih innah cata gersi yalli mayana» iyye.

Daaniyel 6:20

Tokke yemeete waqdi meysitak Daaniyelih seeceh, «Daaniyelow, waara Yallih naqasow, atu baguuk taqbude Yallay ku Dagelta kinnihiyya lubookak koo catee?» kaak iyye.

Daaniyel 6:27

Umaanek cattaah waddam kaa. Able weeniih aabbe weenim, qaran kee baaxô-bagul abtam kaa. Lubookah afak Daaniyel cattem usuk yaqbude Dagelta» 'yaanam iyye.

Hosiqa 11:2

Takkay immay anu keenih elle seecaamal, yok axxeeruk yexxeeren. Yi mari Baqal akak iyyaanamay yallah loonuh sadgat aban. Gabak bicsen duyyeh dooqah qaydarus qeerisan.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Naacum 1:4

Bad kee weeqaytu YALLI «Kafa» iyya saaku kafta. Basan rasul tan qayso kee Karmel qalel yan coox YALLI «Kafa» iyya saaku kafa. Lubnaan qaleelal yan qobor YALLI isih faxa saaku kafsa.

Cabakkuk 3:8

YALLAW, nasri geysissa'gid farasah qambur luk sugte. Macâ sabbatah tinqibeh? Weeqaytu faxe waak sugtee? Badak waagissem luk sugtee?

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.