Yasaqya 5:7 - NABUWWA KEE MALIKWA

⁷ Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Yasaqya 5:7 ပူးပေါင်းရင်းမြစ်များ

2 Samuwel 7:10

Israayil ummattay inni mara abehiyya, sinam keenit xukkute'kal, elle gacoonu waan aracal ken nookiseh an. A baaxo culeenim kee akke fan umeynit qeebi keenit abak sugte'mmay, ahak wadir woh gaba kalele. Koo kaadu naqboytiitik amaanah raaqiseyyooh, buxa innih koh xiseyyooh, ramad kok aymaggeyyo. Tohuh qahdi koh cula.

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 1:6

Ibak lifiqiiy amok xagortah amma 'yaanam xagar inkih siinik biyak le. Inkih yan xagaral siinik wara kee daleeli yan. Ahaydumah liton dale af kaawut leeh, nadiifik tan baasima akah magenniton; dayla akah magenniton.

Yasaqya 27:2

Too ayro, meqe qinab xalta caxah qadar aba. Qadarah intoonu waytaanamaa:

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 3:15

Yi ummat xukkot tabbixeeni'mmay, masaakiinah yan marat taaqiteenim cakkik manton. Aham siinik intam, yoo YALLAY Dagelta kinnih, Nabaamak Nabahiyya» keenik axcele.

Yasaqya 3:17

Takkay immay anu ken digaaleyyooh, amo keenik molla heeh daleela keenik elle ayyaaqeyyo» iyyah yan.

Yasaqya 30:12

Isin toh inteenik, Israayil doore Dageltay *Kudduusuk yani siinik iyyamaa, «Anu sin lih yaabe yab cinna hayteenih duquurusiyyal yeemeneh, ayrisiyyal kibaal haa mara takkeenim siinih teysek,

Yasaqya 46:12

«Yab ayti akak cule waah, cakki faxe waa maraw!

Yasaqya 5:2

A caxa yaysubuke'gid, elle yaysubuke aracak, xeet kaleh meqe'nnal dageh. Tet akak dacrisa'gidih, amo xer qari akah xise. Yuysubukem meqe caxa. A caxa xalta qinabat yaaqite'gid boodo dage. Qinab teetik alayam fan, tet qambaalak teetih suge. A qinab alaye saaku, qeero baaheh; mulcu luk yen.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Yasaqya 59:14

Tonna-leemiik, qadaalat mayanaay; cakkik tan maqaane baaxok teerreh. Numma qado-laqo qellitteeh, amaanat bayeh.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Yasaqya 62:5

Furrayni baxuwwa isim elle aba'nnal, Yallay koo xise koo isim abele. Qarus qibnah yassalleh gide, ku Dagelti koh assaallele.

Ermiyaas 12:10

Allî-baaxok yemeete reedon yi baaxoy qinab xala coox elle aabakuk sugehiyya bayseh. Yi baaxoy buqre elle aabakuk sugtehiyyak amot taqqa 'yeenih gexen. Yi baaxoy qax-muquk sugtehiyya, caxa elle aabuke wayta bakarroyta aben.

Ermiyaas 24:2

Kafaqak teenat nabam meqe *sublâ-xayloy naharak toobokehiyya ten. Nammeyhaytô-kafaqah addat toome xayloy yakmeenim sinnihiyya uble.

Ermiyaas 50:46

Baabelon mara yabbaxoonu waan saaku, aboonu waan deerok gexxaamah, baaxo edde engeyya axcele. Ken weeqi mango baaxoh addal antaabbele» 'yaanam iyye.

Yacedkel 22:29

Baaxol yan mari kaadu, sahda duquurusakaay duyye keenik buuba. Masaakiina kee tu maleelat xukkutaanah. Allî-baaxoh maray addal keenik yanihiyyah cakki mayaaxigan.

Hosiqa 10:1

«Israayil mari qinab caxay mango xaylo xaltah innal yeneeni'mmay, gaddaliino osak keenih elle ossaamal, yalla akke sinni duyyeh qibaada elle aban arooca xisen. Baaxo keenih allaggoowak allaggowteeh mango daro kee caxâ-miri aabakuk keenih elle yoobokeemil, xeetik bicsen qamidway yaqbudeenihiyyat aban bilqa lafitak laften.

Miika 6:12

Siinik gadda leelah yan mari tu maleela yadlume. Takkeenimiik dirab leela kinniton. Sinam duquurussan.

Miika 6:8

YALLI meqeemiy abtaanahiyya siinih warseh. Toh macaay inteenik, qadaalat le taamah taamittaanam siinik faxa. Aggiriqe sinni kacanu taalleenim siinik faxa. Rammitta inteenih Yalla kinni sin Dageltih gita kataata mara takkeenim siinik faxa.

Cabakkuk 1:3

Edde an gadaamak tibba macah yok inta? Table umaanek abalih tibba mannal inta? Sinam dirkisaanam kee baatiy takkehiyya kulli'kkel able. Qeebi kee qaduwwi baaxo duudeh.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.