Yasaqya 5:19 - NABUWWA KEE MALIKWA

¹⁹ Isin, «Yalli abeyyo iyyem sissikuk abam kaak nabalu wayna!» intan. «A Israayil doore Dageltay *kudduusuk yani abam faxam duudusam keh, kaak waginnu wayna» intaana'mmay, woyyow, siinit takku waytaama!

Yasaqya 5:19 ပူးပေါင်းရင်းမြစ်များ

Yasaqya 30:11

«Gitak darifih neh raaqa. Gita nek maalifina. Israayil doore Dageltay kudduusuk yanihiyyat nee mataqbisinay, nanay nee inxica» 'yaanam iyyan.

Yasaqya 66:5

YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Ermiyaas 17:15

Ummatta yok intaamah, ‹YALLI duma net abak suge meysisso cabeh inna? Siinik abeyyo nek iyyem taway nek abay› iyyaana'mmay,

Ermiyaas 23:18

Anu exceemi: «Ta maray nabuwwa kinnino iyyahiyyak addat inki numuy YALLIH maroh addal anuk YALLI lih yaabehiyya mayan. Inki numuy kay yab yoobbeeh warse mayan.

Ermiyaas 23:36

Sahda, waara YALLAY Nabaamak Nabahiyyay ken Dagelta kinnihiyyah yab makkook makot beyan. Tahak wadir ‹YALLI ruube quuka› 'yaanam axce waanama. Toh iyya num yenek, yi farmo nummah quuka kaal abeyyo.

Ermiyaas 36:23

Sarrak Yahuudi a warkatak exxak teenak kawsak gaba kale waqdi, woo exxay kawsehiyya gabak kaak beeh gilet irgiqqi heeh, laqsitak suge girah addat qide. Inkih tan warkatay kutbe elle tanihiyyak kawsak gaba akak kalinnaan gali gabah addak kaak beyak, inkih tan warkat selli haam fan girat qidak suge.

Yacedkel 12:22

«Bani-adantow, Israayil mari, ‹Warsen wakti tatreeh; akkele iyyeenimik tu makkina› akah iyyam macaay?

Yacedkel 12:27

«Bani-adantow, Israayil mari, ‹Atu-tuble-wacyi xer saaku anguddubele› axcuk yaabaana'mmay,

Hosiqa 10:3

Oson too waqdi iyyoonu waanamah, ‹Nanu YALLAK meysitak suge wayneemih sabbatah, malik mannu. Malik luk sugna way, mannal nee catu duudak yen?› axcelon.

Malaaki 2:17

Qagseh kaadu keenik iyyeemih, «Yabtan yaabat YALLA taqbisseenih. «Too waqdi ‹Afak nanu YALLA mannal taqbisneeh?› intan. « ‹YALLI umeynit meqe mara yakkaleeh; keenit ruffu iyya› intan. Waqdik teena kaadu, ‹Yallay qadaalat leh akak iyyaanahiyya ankel yani?› intan» iyye.