Yasaqya 5:17 - NABUWWA KEE MALIKWA

¹⁷ Gaddaleelah-qarwa elle sugte aracay abuuruh raaqehiyyal beedi gacele. Illi-xaylo kaadu taloole qayso elle geele.

Yasaqya 5:17 ပူးပေါင်းရင်းမြစ်များ

Nacmiya 9:37

Baaxok geytima niqmat atu ni amol hayte amoytitte nek betta. Tah net akah takkem ni dambi. Nee kee nanu neddere lacak isinnih faxeenim aban. Nanu a saaku kaxxa gadaamah addat nan» 'yaanam dooqah iyyen.

Yasaqya 1:7

Elle sugtan baaxo siinik baateeh, magaalooli siinik cararteh. Isin abalih, marin mari tubqureenim baysaah, baaxo siinik abur aban.

Yasaqya 10:16

Tonnal hay, YALLAY Dagelta kinnih, Nabaamak Nabahiyya kay qaskaray masu nabahiyyat xagar selta dalka ruubele. Usuk le massakaxxak gubal xagarat urta giray baruge waytahiyya ruubele.

Yasaqya 17:2

Qarooqeril tan magaalooli abur akkeleeh; illi kee laa elle taloole baaxo akkele. Woo illi kee laa wokkek num maxiiriya.

Yasaqya 32:14

Macaay inteenik, malik qari foyya akkele. Mango xongolo elle radak ten magaala abur akkele. Amo xer qariy magaala akak dacrisak sugeenihiyya foyyah raaqele. Too aracal dabookalwa kee laa aloolele.

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Yasaqya 7:25

Koomaamih-amoy ummatta daro elle aysubukuk sugtehiyyal, sissib kee eqeb aabukeleeh; tohih sabbatah tokke num magexa. Too aracay abuuruh raaqehiyya laa kee illi elle yaloole arac akkele.»

Ermiyaas 5:28

Gabul akah loonuuh akah aroodaanam tohu. Ken umaane caddo cabteh. Qayxiixah, le cakki mayacaanaay xukkot yan marah qadaalatal mayackuman.

Hosiqa 4:16

Israayil mari yabti cinah lac yekken. Hay, ta mara qayso yayloolen marqih innah mannal ken aylooleh dacrisaa?

Hosiqa 8:7

Umaane yaysubukeenih, kaxxa umaane ken geele. Orbise ween darok gaqambo mabicsan. Daro orbiseenih gaqambo akak bicseenik, marin baaxoh marih gadda keenik akkele.

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Xafanya 2:14

Saqa kee alak alaakulleyta akak inxicca yaanamih dabaq abele. Tiddigille qarwat inin dabaaqah gacele. Inin kulli taagatak kaayele. Kulli qarik afal kuraani kaay antaabbele. Naqboytit, qarwa akak xisen *sariida kalla heenih beelon.

Xafanya 2:6

Ama baddi afay a saaku guubuh elle tantoonuhiyya saqi loynitteh dabaq akkeleeh, illi elle nooka booxa akkele.