Yasaqya 5:10 - NABUWWA KEE MALIKWA

¹⁰ *Madmadat nammay nammayah yoxeen labaatanni awurut ayrol yubquren baaxo, qinabak labaatanni litrik fula mabahta. Dariyyuk bool kiilo qideenik, darok tabna kiilok fula mabahta.

Yasaqya 5:10 ပူးပေါင်းရင်းမြစ်များ

Yasaqya 32:13

Ummat afracuk addal akak tan qarwa kee, too qarwa elle tan magaalay farci kee wallitiyyat abak sugtahiyyah weeqay rookita. Yi ummat elle tan baaxol sissib kee keenan le coox aabukele'mmay weeqay rookita.

Yasaqya 7:23

«Toh takku wayta saaku, qinab buqreh cooxuk alfi caxay kulli caxa garsi akak baahak sugtehiyya elle sugte aracal, eqeb kee sibaasib aabukele.

Ermiyaas 48:33

Mooyab rasuy niqmatak yanihiyyal, Mooyab mari abak suge farcat kee raacat gaba kaleh. A saaku anu kamri-bicsiyyak ken kaleh; qinabak kamri bicsaah, farcatah gad abak yen mari mayanaay; gad elle abak sugen ikkel, rookat yanin.

Ayyuqel 1:17

Buqreh qiden dariyyi leê waytih kafe. Daanisen daro masugta. Daro edde daanisak yenen riigittet daro ane waytaamih sabbatah, riigitte finqitte.

Caggay 1:6

Buqreh mango daro qiddaanah, dagoom akak orbissan. Maaqo buxal allih, cayya akak mantan. Qinabak bicsen kamri geytaanah immay akak cayya mantan. Sartan litoonuh immay woo sartan waacak sin macata. Taamittaanah immay akak geytan lakqo booha lee giibit gacteh gide.

Caggay 2:16

siinit tekkem maay able waytan? Woo orbissen daro elle kobxissen arac gexxen saaku, too daro namma boolih kiilo akkelem elle akkaluk sugten ikkel, inki boolih kiilo akkuk siinih sugte. Qinab elle yaxmuumen aracal bool litri takke qinabay yuxmuumeenihiyya dagaak morootom litri akkuk siinih suge.