Yasaqya 49:8 - NABUWWA KEE MALIKWA

⁸ YALLI iyyamaa, «Innih faxe waktit koo oggoleyyo. Edde cateh meqe waktit kaadu koo cateyyo. Koo dacriseyyooh, amo kok wagteyyooh, ummat lih qahdi ku kabuuk heeyyo. A saaku abuuruk yan rasul ahak sarra sinam nookisetto.

Yasaqya 49:8 ပူးပေါင်းရင်းမြစ်များ

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

Yasaqya 26:3

Isi gital digga 'ye mara cooca sinni amaanal xiinissa. YALLAW, too mari kol kibaal haak, wagriiy amaanal ken xiinissa.

Yasaqya 27:3

«YALLI qinab-caxak iyyam le: ‹Qinabak dacayri anu abeyyo; amo teetik anu wagteyyo. Fiiruk geerah leek tet afqeyyo. Naqboyti gabak dacriseyyo. Bar kee laqoh tet dacriseyyo.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 42:6

Yoo YALLA koh sectam; kooy yi naqasuh yanihiyyah qadaalatat seecah an. Ko'lih aneyyooh; koo dacriseyyooh; ummat lih qahdi koo le kabuk heeyyo. Baadal tan ummattah ifu koo abeyyo.

Yasaqya 44:26

Takkay immay yi naqoosa, ‹Annah tanim akkele› akak intem kee yi farmoytit, ‹Yalli nek iyye› axcuk edde yabba 'tem inkih numma akkele. Yarusalaamal ahak sarra ummat dabaaqah gacele. Yuudâ-magaalooli ahak sarra xissiimele. Too magaalooliy abuuruh sugtehiyya ahak sarra xissiimele 'yaanam exceeh; toh akkele.

Yasaqya 49:19

Baaxo siinik sinam sinni abuuruk sugte. Takkay immay ahak wadir, akkel dabaaqah gacam faxa mari faxo teetil mageya. Sin yiggileeh abur sin abe mari siinik axxeerele.

Yasaqya 51:16

Qaran fidisak, baaxo elle solta rakiibo bicisak, Siyon-marak, ‹Isin yi mara kinnitoonu› axcuk, inni farmo afat siinik heeh inni gabat sin dacrise» 'yaanam iyye.

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yasaqya 54:3

Macaay intek, atu woo exxak a exxal guubuh elle gacta baaxo aymagguk aymaggetto. A saaku baadal tan ummatta elle tan baaxo, ku mari raaqisele. A saaku abuuruh tan magaaloolil, kok radu waa mari amaggele.

Yasaqya 55:6

Uxih kaa geettoonuk, YALLAL uduura! Away garit siinik yanik, catoh kaah seeca!

Yasaqya 57:13

Catô-goranah deero abtoonu waytan saaku, ama yalla axcuk taqbuden duyye sin cattay! A duyye caacay duufut beele. Takkay immay reebuh yoo eleelite mari, xagana keenih akah cule baaxol gaceloonuuh, yi qaril yoo aqbudelon» 'yaanam iyyah yan.

Yasaqya 58:12

Sin mari duma abuuruh sugte arooca wadir xiseleeh duma sugte rakiiboh bagul qusba qarwa xisele. Isin baateh sugte gaso xisaah abuuruh sugte qarwa bicsa mara deqsitetton» iyyah yan.

Yasaqya 58:5

Soomtan waqdi, isinni biyaktaanah amo bayreh innah addah qunuunussu haytaanaah; sartanah *qabuudu xagarat haytaanah gombod baaxol caxxa hayteenih deerih elle gactan. Soomuh litoonum tahaa? Anu a soom siinik assakootem maay takkalen?› keenik axce.

Yasaqya 61:2

YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Yasaqya 61:4

Mango dabaanah abuuruh sugte baaxo xiselon. Dumaak bayteh sugte magaalooli nammayhaak xiselon.

Yasaqya 65:9

Yaqkuubuk rade yi marat, Yuudâ-kedok rade marat niqmat heeyyo; xaylo aceeyyo. Qaleela mango yi rasu ikoytah keenih aceeyyo. Inni maray innih doore dabqih too rasul hee liyo. Yi naqoosa elle sugele.