Yasaqya 49:3 - NABUWWA KEE MALIKWA

³ Annah axcuk yo'lih yaabe; «Yim kinnito; yi naqasu. Ku migaq Israayil kinni; akah tantom, koo akah doorem, liyoh an qaxa-maqaane kol elle tambulle'gidi» 'yaanam axcuk yo'lih yaabe.

Yasaqya 49:3 ပူးပေါင်းရင်းမြစ်များ

Yasaqya 41:8

«Hay, Israayil-maray yi naqoosah yanihiyyaw! Yaqkuub-xayloy anu dooritehiyyaw! Abraahimiy yok kataysah yanihiyyak rade maraw!

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 43:21

Ta mara anu inni caagidih gine. Yi fayla abu waa mara yakkeeni'gidih, ken gine» iyyah yan.

Yasaqya 44:23

YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 52:13

YALLI yaabeh annah iyye: Aham kaana; yi naqsi kaa. Yi naqsi edde asu waa taama inkih kay gabal bicele. Ummat garil, sahda garil, kaxxam naba num akkele.

Yasaqya 53:10

YALLI tahak annah iyye; «A biyak kaat akah yekkem, yi fayxi kee yi raabiti. Usuk sahdah yekke fida, ummatah qafu baahele. Kaak radu waa mara ableleh; waarele, mangom sugele. Anu faxaah abam faxam, kay gabat bicseh abeyyo.

Zakariyya 3:8

Kaxxa sek kinnitok, ko'lih yaaba yab ankacca hay. Isin kaadu kaa'lih tan seekay ankacisa. Sarra takku wayta maqaaneh asta kinniton. Anu faxa taamah taamitu waa numuy migaaqah Dawud Luddal muggaaqisaanahiyya ruubeyyo.