Yasaqya 49:2 - NABUWWA KEE MALIKWA

² Yi-afak yawqe qangor inkih, gileh innah af bahsiise; isi gabat yoo dacrise; arbaqen (samlisen) gaysê-baxi innah, yoo samliseh, af bahsiise; sibah addat yoo dacrise.

Yasaqya 49:2 ပူးပေါင်းရင်းမြစ်များ

Yasaqya 11:4

Masaakiinah cakkik-yan-cokmi ackumele. Tu-maleelah cakkik-tan-mekla abele. Iyyem akke leh: digaala elle amrise mari diggalsimeleeh umeynit ambaxele.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 50:4

Boolaatteemit qande haa'gid, keenik axcem YALLAK barte; YALLAY Mulki le yoo barse. Usuk yoo barsa baritto, kulli maaca ankacisa'gid, xiinik yoo ugusak, yoo barsa.

Yasaqya 51:16

Qaran fidisak, baaxo elle solta rakiibo bicisak, Siyon-marak, ‹Isin yi mara kinnitoonu› axcuk, inni farmo afat siinik heeh inni gabat sin dacrise» 'yaanam iyye.

Ermiyaas 1:18

Yuudâ-malik kee doolat-abbobti kee seekaay, a baaxol yan mara inkih, naqboytit kok akkelon. Takkay immay keenit edde koysitta dudda koh aceeyyo. Ta saakuu, maro edde tan magaalay naqboyti cule waa kee, birtak aben qamidduy addigille waa kee nacaasak yan birtak xisen gasoy xaggiime wayta, koo abeh ani'kkal, num tu kol mabaaha. Faxe qeebi kot abaanamah, anu ko'lih ani'kkal, kot baahaanam malon› 'yaanam YALLI yok iyye» iyye.

Hosiqa 6:5

Inni nabuwway farmo gabat le sin fanah ruubeeh, uma cokmi kee baati siinit akkelem siinih akah warsem tohu. Anu siinik faxam qellu lem hinna.

Cabakkuk 3:11

Ato lito gaysê-baxay habug iyyaah liliq iyya, qalaamisseeh qidde waqdi, qaran bagul alsa solteh, ayro kinnih edde solte. Ku macaxuy habug iyyah, ayro solteeh, alsa teede.