Yasaqya 49:17 - NABUWWA KEE MALIKWA

¹⁷ Sin xaylo xayi saaku amaateleeh, sin bayisak suge mari gexele.

Yasaqya 49:17 ပူးပေါင်းရင်းမြစ်များ

Qedra 1:5

Tohuk lakal Yuuda kee Benyam kedoh abbobtiiy, seekaay, Leewih yooboke mara kee, tonnah kaadu, Yalli fayxi edde hee mari inkih, YALLIH Qibaadah-Qariy duma yiddigilleh sugehiyya xisaana'gidih, gexoh bical gacen.

Nacmiya 2:17

Takkay immay magaala wagtek lakal keenih warseeh, keenik exceemih, «Labhay, edde nan gibdaabina wagitay. Yarusalaam abur tekkeeh, tet akak culak yenen afoofi gira edde ruubeenih cararte. Away magaalâ-gasoosa xissa hayneh, edde nan qaybik ninni nayyaaqay› keenik exce.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 37:18

YALLAW, Assuuriyah-amoytitte nummah baadal tan doolatwa bayisseeh; ken baaxooxa abur abeenih caben.

Yasaqya 49:19

Baaxo siinik sinam sinni abuuruk sugte. Takkay immay ahak wadir, akkel dabaaqah gacam faxa mari faxo teetil mageya. Sin yiggileeh abur sin abe mari siinik axxeerele.

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Yasaqya 60:4

YALLI iyyaamah: «Deraafi isik wagga haay takkem ubul! Yakkeenimik gaaboowaanah koh fan yamaateenim matabla? Say-xaylo kok aliilit xabba heenih beeloonuh; kok lab-xaylo xeri'kkek amaatele.

Yasaqya 62:5

Furrayni baxuwwa isim elle aba'nnal, Yallay koo xise koo isim abele. Qarus qibnah yassalleh gide, ku Dagelti koh assaallele.

Yacedkel 28:24

YALLI iyyeemihii, «Faxe baaxooxay dariifal geytimma 'taah, ken bursutak sugtehiyya tahak wadir Israayil ummatal ada matakka. Too waqdi YALLAY Mulki lehiyya kinniyom aaxigelon.»

Yacedkel 36:10

Israayil ummatey, sin aymaggeyyooh, magaalooli fan sin gacseyyo. Tiddigille qarwa nammeyhaak xisetton.