Yasaqya 49:16 - NABUWWA KEE MALIKWA

¹⁶ Wagitay! Migaq siinik gabâ-gennaqtah addal kutbeh liyo. Yarusalaam-ummatey, anu kulli way inti siinit liyoh; sin mahawweena.

Yasaqya 49:16 ပူးပေါင်းရင်းမြစ်များ

Yasaqya 26:1

Too saaku Yuudâ-rasul qadar abelon. Qadarah iyyoonu waanamaa, «Ni magaala qandeey maqar le; Yalli isih maro teetit heeh yan; tet wada'gidih maro edde hee; is Yallih dacayri geyteh tan.

Yasaqya 54:12

Ku gasoh amol tan fayyat raqta arooca liliq iyya xeetik xiseyyo; afa kok xibcin inna le luuluk xiseyyo; maroh kot tan gaso limo gibdi xeetik xiseyyo.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 62:6

Yarusalaamey, ku gasoh afal koo dacrissa mara koh hee. Oson bar kee laqoh tibba m'iyyan. YALLI cule xagana YALLA kassisa maraw, aadayi mahaytaanay YALLI Yarusalaam daabissa haah addunyal faylisan magaala tet abam fanah aadayi kaa mahaytan.

Ermiyaas 17:1

YALLI iyyemii, «Yuudah-ummatey, isin edde tanin umaane birti-kalamat tunkuttubeh tan. Afqadok bagul siinik tunkuttubeh tan. Edde tankuttubem, birti-kalamay af akak gibdi-xaak yanihiyya kinniih; elle siinik tunkuttubem, afqado kee sadgat-bagul-akak-abtan-arooca.

Ermiyaas 22:24

YALLI, malik Yahoyaakím-Yahoyaasinik iyyeemih, «Anu waara Dagelta kinniyom teexegek, migdi gabah ferrantoh yok sugta way feerak siibba koo heeh,

Caggay 2:23

Yi naqasu Saltiyál-Darabbabelow, too ayro bahha koo heeh, abba koo abeyyooh, migdi gabah ferranto koh acayuk, ummat yi migaaqal xiinisetto. Sinaamak addak doorem koo. Tahat yabtam yoo YALLAY Nabaamak Nabahiyya› » iyye.