Yasaqya 48:5 - NABUWWA KEE MALIKWA

⁵ Tohuk gexxaamah aham takku waytaamat dumaak yaabeh suge. Tohumu, takkeemik dumal naharal akah yaabem, ‹Ah amrisseeh neh abtem, nanu naqbude duyye› axce waytaana'gidi.

Yasaqya 48:5 ပူးပေါင်းရင်းမြစ်များ

Yasaqya 43:19

Away qusbaamay bicsam faxahiyya liyok, wagita; taway tohih abtoh addat ani'mmay, wagita. Bacarih tan baaxot gita bicseyyooh; bakarroyta le baaxooxal daroori abeyyo.

Yasaqya 44:7

Yi bis lem iyyaay? Yi gid takkem tenek yaabittay. Tanim tekkek, abtem elle abte'nnah away yoh baxxaaqissay. Tanim tekkek, anu elle abe'nnal, sahda dumaak isim elle abteeh elle dacrisse'nna yoh baxxaaqissay. Yi gid takkem tenek, sarra takku waytam warissay.

Yasaqya 44:8

Takkay immay yi ummatey, isin mameysitinaay cunxo sin abbixe waytay. Dumaak siinih warseeh, sin oysoobbeemil yi sumaq siini. Yok sa Yalli maay yan? Mayan. Anu aabbe wee yallay reebu sinaamah yakkehiyya mayan» iyyah yan.

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 48:3

«Takku waytam xer dabaanal elle warseh sugeeh, akkele akah exce'nnah tekke. Tohum, garciik cube waan waqdi, akah takke'nnah abeeh, tekkeh.