Yasaqya 48:18 - NABUWWA KEE MALIKWA

¹⁸ Yi amri oggoltaanamal, weeqayti gurral amaan siinil oobak yeneeh; yi foocal cakkik yan mara akkuk teneenih, too cakki kaadu, baddi-afal tamuttuke haffoh innal, qande siinih acayuk yen.

Yasaqya 48:18 ပူးပေါင်းရင်းမြစ်များ

Yasaqya 33:21

YALLAY Misliino le tokkel ni amo wagtele. Mango weeqaytuy darah gexahiyya le magaala akkele. Takkay immay kaxxa maraakib elle magexa.

Yasaqya 42:24

Israayil-mara seewah sinam gabal haytem iyya? Israayil-mara ken buubu waa marih gabal haytem iyyaay? Taham inkih YALLI keenik abeemi. Dambi lem YALLAL bahneeh; tohuk gexxaamah tamah nel baahe. Yallih gita katayaanam cineeniih, kay amri yaabbeenim cineenih.

Yasaqya 45:8

Qadaalat qaraanak robti innah ruubeyyo. Addunya woh raabiteleeh, namma gaba akah garaysele. Yi wadu kee qadaalat teetil reedele. Aham absissu waytam yoo YALLA» iyye.

Yasaqya 54:13

Ku addal tan ummatta abtu waytam innih ken barseyyooh, meqe manooy amaanah ken xiiniseyyo.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 61:11

Baaxo elle anxaxxoyse'nnal, bustaan qiden dariyyi elle yaysubuke'nnal, YALLAY Mulki-lehiyya ummattah inkih cakkik-tan-maqaane bahsiiseleh; baadal tan ummatta inkih kaa faylisele.

Yasaqya 62:1

Yarusalaamah liyo kacanuk gexxaamah yaabu waa; Siyon waddintam fanah tibba maxcaay, is geyta cakkik-tan-maqaane, bar ursan girah innah, urtam fanah maffoofa.

Yasaqya 66:12

Macaay inteenik, YALLI iyyaamah, «Ambaxe sinni amaanah Siyoonut xiiniseyyooh; doolatwa elli hayta gaddaliino, kafe sinni weeqaytih innah, teetil caxitele. Isin, ina gurumbal qarissa baxay kacni intit tablehiyyah bis alletton.

Hosiqa 10:12

Qusba baaxo ubquruta keenik exce. Cakki ubquray, maqaane orbisita. Yoo sin YALLA fanah edde aduureh meqe wakti a saaku'mmay yol uduura. Yol tuduureenik, barkat siinit heeyyo» 'yaanam siinik iyye.

Qaamus 5:24

Toh cabba haay qadaalat le taamah taamita. Cakkik tanim aba. Cakki baatam hinnaay; kulli way darah gexxa leeh inna.